ᐃᓄᓕᒫᓂᑦ ᑐᑭᓯᑎᑦᑎᒋᐊᕐᓂᖅ ᐱᕙᓪᓕᐊᑎᑦᑎᓂᕐᒥᒃ ᓄᓇᒥ ᒐᕙᒪᑐᖃᒃᑯᑦ ᐊᑐᕆᐊᖓᓃᑦᑐᒥᒃ

20/03/2017

ᐃᓄᓕᒫᓂᑦ ᑐᑭᓯᑎᑦᑎᒋᐊᕐᓂᖅ ᐱᕙᓪᓕᐊᑎᑦᑎᓂᕐᒥᒃ ᓄᓇᒥ ᒐᕙᒪᑐᖃᒃᑯᑦ ᐊᑐᕆᐊᖓᓃᑦᑐᒥᒃ

ᒫᑦᓯ 20, 2017 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᓕᕆᔨᒃᑯᑦ ᐃᖃᓗᓐᓂ ᐊᒻᒪᓗ ᕿᑭᖅᑖᓗᒻᒥ ᓇᒻᒥᓂᓕᓐᓂᑦ
ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ ᑲᑐᔾᔨᖃᑎᒌᒻᒪᑕ ᓄᓇᖅᑲᑎᒌᒃᑲᔭᖅᑐᓂᑦ ᐸᕐᓇᐅᒻᒥᑦ ᒐᕙᒪᑐᖃᒃᑯᑦ ᐊᑐᕆᐊᖓᑕ
ᓇᓛᓃᑦᑐᓂᑦ. ᖃᐅᔨᓴᕈᑕᐅᔪᖅ ᐱᔾᔪᑎᓕᒃ ᓄᑖᓂᑦ ᐱᕙᓪᓕᐊᑎᑕᐅᒐᔭᖅᑐᓂᑦ ᓄᓇᖓᓂ ᒐᕙᒪᑐᖃᒃᑯᑦ ᐊᑐᕆᐊᖓᑕ
ᐊᑯᓐᓂᖓᓃᑦᑐᓂᑦ ᐊᒻᒪᓗ ᖃᖅᑲᒥᐅᑦ. ᓯᕗᓪᓕᕐᒥ ᐸᕐᓇᐅᓯᐅᕐᓂᕐᒥ ᕿᒥᕐᕈᒐᔭᖅᑐᑦ ᕿᒥᕐᕈᓗᑎᒃ ᐱᓇᓱᐊᕈᑕᐅᔪᓐᓇᕋᔭᖅᑐᓂᑦ
ᐊᒻᒪᓗ ᐱᓇᐃᓗᑕᐅᒐᔭᖅᑐᓂᑦ ᐊᒻᒪᓗ ᐃᓱᒪᔅᓴᕐᓯᐅᕈᑎᒋᓗᒋᑦ ᐊᑐᖅᑕᐅᔪᓐᓇᕋᔭᖅᑐᑦ.

ᐃᓄᓕᒫᓂᑦ ᑐᑭᓯᑎᑦᑎᒋᐊᕋᔭᖅᑐᑦ ᑲᑎᒪᑎᑦᑎᓗᑎᒃ ᐱᖓᑦᑎᕐᒥ ᒫᑦᓯ 29 6:30ᒥ−9:00ᒧᑦ ᐅᓐᓄᒃᑯᑦ ᐃᒃᓯᕋᕐᔪᐊᒃᑯᑦ
ᑐᔅᓯᐊᕐᕕᖓᑕ ᑲᑎᒪᕕᐊᓂ (ᐃᓪᓗ 911) ᑐᑭᓯᑎᑦᑎᒐᔭᕐᖓᑕ ᓄᓇᓕᓐᓂᑦ. ᑲᑎᒪᓂᕐᒥ ᐅᓂᒃᑳᖅᑐᖃᕋᔭᖅᑐᖅ, ᑭᖑᓂᐊᒍᑦ
ᐊᐱᕐᓱᕐᓗᑎᒃ ᑭᐅᖃᑦᑕᕐᓗᑎᓪᓗ. ᐱᕕᖃᕋᔭᕐᒥᔪᑦ ᐅᖃᐅᓯᔅᓴᖏᓐᓂᒃ ᐅᖃᐅᓯᖃᕐᓂᕐᒥᒃ ᐱᔾᔪᑕᐅᓗᐊᖅᑐᓂᑦ. ᑐᓵᔨᖃᑦᑎᐊᓛᖅᑐᑦ
ᑲᑎᒪᓂᕐᒥ. ᑭᒡᒐᑐᖅᑏᑦ ᓄᓇᓕᐸᐅᔭᓕᕆᔨᒃᑯᓐᓂ ᐃᖃᓗᓐᓂ, ᕿᑭᖅᑖᓗᒃ ᓇᒻᒥᓂᓕᓐᓄᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᒃᑯᓐᓂ,
ᐊᒻᒪᓗ ᖃᐅᔨᒪᔨᑕᐃᑦ ᑕᐃᑲᓃᓛᖅᑐᑦ ᑭᐅᖃᑦᑕᓛᕐᖓᑕ ᐊᐱᖅᑯᑕᐅᔪᓂᑦ ᐱᓕᕆᐊᔅᓴᐅᑉ ᒥᔅᓵᓄᑦ. ᓂᐅᖅᑲᖅᑕᖃᓛᖅᑐᖅ.
ᐱᔭᕇᖅᑲᑕ ᐱᓕᕆᐊᔅᓴᕐᒥᒃ ᓄᑖᕐᒥᒃ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᖃᓕᕋᔭᖅᑐᑦ ᓄᓇᓄᑦ ᓂᒋᐊᓃᑦᑐᒧᑦ ᐅᐊᓐᓇᖓᓃᑦᑐᒧᓪᓗ
ᒐᕙᒪᑐᖃᒃᑯᑦ ᐊᑐᕆᐊᖓᓃᑦᑐᓂᑦ. ᑖᒃᑯᐊ ᐅᓂᒃᑳᖑᓛᖅᑐᑦ ᓄᓇᓕᐸᐅᔭᓕᕆᔨᒃᑯᑦ ᑲᑎᒪᔨᖏᓐᓄᑦ ᐊᑐᖅᑕᐅᓕᓛᕐᖓᑕ,
ᐊᒻᒪᓗ ᐊᑐᐊᕐᓯᔾᔪᑕᐅᖃᑦᑕᓛᕐᖓᑕ ᓄᓇᒥᒃ ᐊᑐᕐᓂᕐᒧᑦ ᑐᑭᑖᕈᑕᐅᓂᐊᖅᑐᓄᑦ ᑕᒪᔅᓱᒧᖓ ᓄᓇᒧᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ ᑲᑎᒪᑎᑦᑎᓂᐅᓛᖅᑑᑉ ᒥᔅᓵᓄᑦ, ᑐᑭᓯᒋᐊᕐᕕᐅᖃᑦᑕᕐᓕ: ᕗᕌᓐᓱᐊ ᕗᐊᑎᓐ
ᖁᐊᔭᐅᑏᑦ ᖃᐅᔨᒪᔨᑕᐃᑦ, francois@lichenconsulting.com, (514) 912-8583.
-