ᐃᖃᓗᓐᓄᑦ ᐊᑐᖅᑕᐅᓂᐊᖅᑐᓄᑦ ᐸᕐᓇᐅᑦ 2017-2022

29/06/2017

 

ᑐᓴᕋᔅᓴᖅ
ᐃᖃᓗᓐᓄᑦ ᐊᑐᖅᑕᐅᓂᐊᖅᑐᓄᑦ ᐸᕐᓇᐅᑦ 2017-2022
ᔫᓂ 29, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᑦᒃᑯᑦ ᖁᕕᐊᑦᑐᑦ ᑐᓂᓯᒍᓐᓇᕆᐊᔅᓴᖅ ᐃᖃᓗᓐᓄᑦ ᐊᑐᖅᑕᐅᓂᐊᖅᑐᓄᑦ ᐸᕐᓇᐅᑦ, ᐸᕐᓇᐃᓂᕐᒧᑦ ᑎᑎᕋᖅᓯᒪᔪᑦ ᓇᓗᓇᐃᔭᐃᔪᑦ ᐱᓕᕆᐊᓄᑦ ᓯᕗᓪᓕᐅᔾᔭᐅᔭᕆᐊᓕᓐᓄᑦ ᐊᕐᕌᒍᓄᑦ ᑕᓪᓕᒪᓄᑦ. 2017−ᒥᑦ 2022−ᒧᑦ.
ᐸᕐᓇᐅᑎᒦᑦᑐᑦ ᓄᓇᓕᐸᐅᔭᒃᑯᑦ ᐊᑐᖅᑕᐅᓂᐊᖅᑐᓂᑦ ᑐᑭᒧᐊᕈᑎᓪᓗᐊᑕᖏᑦ, ᐱᖃᓯᐅᔾᔨᔪᑦ ᑕᑯᓐᓇᖅᑕᖓᓂᑦ, ᑐᕌᒐᖓ, ᐊᒻᒪᓗᑕᐅᖅ ᐅᑉᐱᕆᔭᐅᔪᑦ. ᑖᒃᑯᐊ ᑐᑭᒧᐊᕈᑎᐅᔪᑦ ᓴᓇᓯᒪᓂᕆᔭᖏᑦ ᐊᑐᐊᒐᓕᒫᓄᑦ, ᐱᓕᕆᐊᓄᑦ ᐊᒻᒪ ᐱᔨᑦᑎᕈᑎᓄᑦ, ᑭᓱᓕᕆᔾᔪᑏᑦ ᓇᓕᒧᓕᖅᑎᑦᑎᒋᑦ ᓯᕗᓪᓕᐅᔾᔭᐅᔭᕆᐊᓕᓐᑦ.
ᑕᑯᓐᓇᖅᑕᖓ
ᐃᖃᓗᐃᑦ ᒪᓕᒍᒥᓇᕐᓂᐊᖅᑐᖅ ᐅᑭᐅᑕᖅᑐᒥ ᓯᕗᓕᖅᑎᐅᓗᓂ, ᐱᖅᑯᓯᖏᒦᑦᑐᑦ ᐃᓄᖁᑎᑦᑎᓐᓂᑦ, ᖃᐅᔨᒪᓂᐅᔪᑦ ᐊᒻᒪ ᐱᓇᓱᐊᒃᑲᓂᕐᓂᐅᔪᑦ ᑲᔪᐃᖅᓴᖅᑕᐅᔪᑦ, ᐊᒻᒪ ᐃᓚᒌᑦ ᓴᖏᔪᒥᑦ ᐱᕈᖅᑐᑎ ᐊᒻᒪ ᖃᓄᐃᖏᑎᐊᖅᑐᑎ.
ᑐᕌᒐᖓ
ᐱᔨᑦᑎᕐᓗᒋᑦ ᓄᓇᓕᒻᒥᐅᖁᑎᕗᑦ ᓴᖅᑭᔮᖅᑎᑦᑎᔪᓂᑦ ᖃᓄᐃᖏᑎᐊᖅᑐᒥ, ᐊᑦᑕᓇᖏᑦᑐᒥᑦ, ᑮᓇᐅᔭᓕᕆᓂᖃᑦᑎᐊᖅᑐᒥᑦ ᐊᒻᒪ ᐱᖅᑯᓯᓅᖑᔪᖃᑦᑎᐊᖅᑐᓂ ᓄᓇᓕᐸᐅᔭᒧᑦ.
ᐅᑉᐱᕆᔭᐅᔪᑦ
ᐱᔨᑦᑎᕈᑎᓄᑦ – ᐱᐅᔪᓂᑦ ᐱᓕᕆᑎᑦᑎᕙᑦᑐᒍᑦ ᐱᓕᕆᐊᓂᑦ ᐱᔨᑦᑎᕈᑎᓂᓪᓗ ᓄᓇᓕᒻᒥᐅᖁᑎᑦᑎᓐᓄᑦ
ᐱᖅᑯᓯᓅᖓᔪᓄᑦ – ᐃᑲᔪᖅᓱᑎᐊᖅᑕᕗᑦ ᐃᓄᐃᑦ ᐱᖅᑯᓯᖓ ᐊᒻᒪ ᐱᖅᑯᓯᑐᖃᖓ, ᐅᐱᒋᓪᓗᒋᓪᓗ ᐊᔾᔨᒌᖏᑦᑑᑕᐅᓂᖏᑦ ᓄᓇᓕᒻᒥᐅᖁᑎᕗᑦ
ᓯᕗᓕᖅᑎᐅᓂᖅ – ᑲᔪᖏᖅᓴᐃᔪᒍᑦ ᐊᒻᒪ ᐱᔪᒪᓕᖅᑎᑦᑐᒋᑦ ᑕᑯᔅᓴᐅᑎᑦᑎᓪᓗᑕ ᐱᐅᔪᓂᑦ ᐃᓱᒪᓕᐅᕈᑎᖃᑦᑎᐊᑎᑦᑎᔪᑦ ᐊᒻᒪ ᓴᖅᑭᔮᖅᑎᑦᑎᔪᖅ ᑲᔪᓯᑦᑎᐊᓂᖃᖅᓯᒪᔪᓕᒫᓂᑦ
ᐃᑉᐱᒍᓱᑦᑎᐊᕐᓂᖅ – ᖃᓄᐃᓘᖃᑦᑕᐅᑎᓂᕗᑦ ᐊᒻᒪ ᑕᐃᒃᑯᐊ ᐱᔨᑦᑎᖅᑕᑎᓐᓄᑦ ᑐᓐᖓᓱᑦᑎᑦᑐᒋᑦ, ᐃᓱᒪᒋᓪᓗᒋᑦ, ᐊᒻᒪ ᓈᒻᒪᑦᑐᒥᑦ
ᓱᓕᓂᖅ – ᓱᓕᔪᒍᑦ, ᐅᑉᐱᕆᔭᐅᔪᓐᓇᖅᑐᒍᑦ ᐊᒻᒪ ᑕᑯᔅᓴᐅᑎᐊᖅᑐᑕ
ᑐᓐᖓᕕᐅᔪᓐᓇᕐᓂᖅ – ᓇᒻᒥᓂᕆᕙᑦᑕᕗᑦ ᐃᓱᒪᓕᐅᖅᑕᕗᑦ ᐊᒻᒪ ᑲᒪᒋᔭᕆᐊᓕᕗᑦ
ᖃᓄᐃᓐᓂᖏᓐᓄᑦ-ᑲᔪᖏᖅᑕᐅᔪᑦ – ᓴᖅᑭᑎᑦᑎᓂᐊᖅᑐᒍᑦ ᐱᖅᑯᓯᓅᖓᔪᓂᑦ ᐋᖅᑭᔅᓯᒪᓂᖏᓐᓄᑦ, ᓴᓇᔭᐅᔪᖅ ᖃᓄᐃᓐᓂᐅᔪᓂᑦ ᐊᒻᒪ “ᖃᐅᔨᒪᐃᓐᓇᕐᓗᒋᑦ” ᖃᓄᐃᓐᓂᕆᔭᕗᑦ
ᐊᕙᑎᓕᕆᓂᕐᒧᑦ ᐱᓕᕆᐊᖃᕐᓂᖅ - ᐃᑉᐱᒋᑦᑎᐊᖅᑕᕗᑦ ᑲᒪᒋᑦᑎᐊᖅᑐᒍᓗ ᓄᓇᕗᖓ, ᐆᒪᔪᐃᑦ ᐊᒻᒪ ᐊᕙᑎᖓ

ᐊᔾᔨᖏᓐᓂᑦ ᐱᔪᒪᒍᕕᑦ ᐃᖃᓗᓐᓄᑦ ᐊᑐᖅᑕᐅᓂᐊᖅᑐᓄᑦ ᐸᕐᓇᐅᑦ , ᓇᕿᓪᓗᒍ ᑐᕌᕈᑎᖓ ᐊᑖᓃᑦᑐᖅ:
http://www.city.iqaluit.nu.ca/sites/default/files/inuktitut_5_year_plan.pdf