ᑐᓂᖅ ᑕᐃᒻᒥ ᐊᒻᒪ ᑐᖁᑕᐅᕕᐊᓂ ᐱᓇᓱᐊᕈᓯᐅᑉ ᓄᖑᐊᓂ − ᓄᓇᓕᐸᐅᔭᒃᑯᑦ ᐃᑲᕋᕆᓂᐊᖅᑕᖏᑦ/ᓄᓇᓯᐅᑎᓄᓪᓗ ᐱᔨᑦᑎᖅᑕᐅᔪᓄᑦ ᐊᑐᖅᑕᐅᓂᐊᖅᑐᑦ

12/04/2017

ᑐᓂᖅ ᑕᐃᒻᒥ ᐊᒻᒪ ᑐᖁᑕᐅᕕᐊᓂ ᐱᓇᓱᐊᕈᓯᐅᑉ ᓄᖑᐊᓂ − ᓄᓇᓕᐸᐅᔭᒃᑯᑦ ᐃᑲᕋᕆᓂᐊᖅᑕᖏᑦ/ᓄᓇᓯᐅᑎᓄᓪᓗ ᐱᔨᑦᑎᖅᑕᐅᔪᓄᑦ ᐊᑐᖅᑕᐅᓂᐊᖅᑐᑦ

ᒫᕐᓯ 31, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖃᐅᔨᒪᖁᔨᔪᑦ ᓄᓇᓕᕐᓂᒥᐅᑕᓂᑦ ᒪᓕᑦᑐᒋᑦ ᒪᓕᒐᕋᓛᑉ 771 ᐊᓯᔾᔨᖅᑕᐅᓯᒪᔪᑦ ᑎᑎᕋᕐᓯᒪᓂᖏᑦ, ᑐᓂᖅ ᑕᐃ ᐱᓪᓗᒍ ᕿᑲᕐᓇᐅᕙᑦᑐᖅ ᐅᓪᓗᖅ ᐊᑐᖅᑕᐅᓛᖅᑐᖅ ᐃᐳᕈ 13-ᒥ. ᓄᓇᓕᓐᓂ ᕿᑲᕐᓇᐅᓂᖓᓂ ᓄᓇᒃᑰᔫᒃᑯᑦ ᐃᒥᖅᑕᖅᑏᑦ ᐃᖅᑲᓇᐃᔭᓛᖅᑐᑦ, ᑭᓈᓗᓐᓂᑦ ᓄᐊᑦᓯᔩᑦ ᐊᒻᒪ ᓴᓂᓕᕆᔩᑦ. ᑭᓯᐊᓂ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᖅᑐᑦ.
ᐃᖃᓗᒻᒥᐅᑕᐃᑦ ᖃᐅᔨᒪᖁᔭᐅᒻᒥᔪᑦ ᓄᓇᓕᐸᐅᔭᒃᑯᑦ ᐊᓪᓚᕕᖏᑦ ᒪᑐᓯᒪᓂᐊᖅᑐᑦ ᑐᖁᑕᐅᕕᐊᓂ, ᐃᐳᕈ 14, ᐊᒻᒪᓗᑦᑕᐅᖅ ᒪᑭᕝᕕᐊᓂ, ᐃᐳᕈ 17, ᐊᒻᒪ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᑦ ᑭᓪᓕᖃᖅᑎᑕᐅᓛᖅᑐᑦ ᑕᒪᑐᒪᓂ.
ᐃᖃᓗᒻᒥᐅᑕᐃᑦ ᐃᒥᑕᖅᑕᐅᔪᒪᔪᑦ ᑐᖁᑕᐅᕕᐊᓂ ᒪᑭᕝᕕᐊᓂᓘᓐᓃᑦ ᐅᖄᓚᔪᓐᓇᖅᑐᑦ ᓄᓇᓕᐸᐅᔭᒃᑯᑦ ᑐᐊᕕᕐᓇᖅᑐᓕᕆᕕᖓᓄᑦ ᐅᕙᓂ 979.5600, ᐱᒋᐊᖅᑐᓂ 8 ᐅᓪᓛᒃᑯᑦ ᑎᑭᑦᑐᒍ 4 ᐅᓐᓄᒃᑯᑦ. ᐱᔨᑦᑎᕋᖅᑕᐅᓂᕐᒧᑦ ᐊᑭᓖᑎᑕᐅᓂᐊᖅᑐᑦ $250−ᓂᑦ ᑐᐊᕕᓐᓇᖅᑐᓄᑦ.
ᐊᑖᓃᑦᑐᑦ ᓄᓇᓯᐅᑎᓄᑦ ᐱᔨᑦᑎᕋᐅᑎᓄᑦ ᐊᑐᖅᒻᑕᐅᓂᐊᖅᑐᑦ ᑕᒪᑐᒪᓂᐅᑎᓪᓗᒍ:
ᑐᓂᖅᑕᐃᒻ, ᐃᐳᕈ 13 − ᐱᔨᑦᑎᕋᐅᑎᐅᒐᔪᑦᑐᑦ ᐊᑐᖅᑕᐅᔪᑦ
ᑐᖁᑕᐅᕕᐊ, ᐃᐳᕈ 14 - ᑭᓪᓕᖃᖅᑎᑕᐅᔪᑦ ᐱᔨᑦᑎᖅᑕᐅᔪᑦ (ᐱᔨᑦᑎᕋᐅᑎᓄᑦ ᐊᑭᓖᑎᑕᐅᓂᐊᖅᑐᑦ)
ᓯᕙᑖᕐᕕᒃ ᐃᐳᕈ 15 - ᐱᔨᑦᑎᕋᐅᑎᐅᒐᔪᑦᑐᑦ ᐊᑐᖅᑕᐅᔪᑦ
ᓈᑦᑎᐅᖑᔭᖅ ᐃᐳᕈ 16 - ᐱᔨᑦᑎᕋᐅᑎᐅᒐᔪᑦᑐᑦ ᐊᑐᖅᑕᐅᔪᑦ
ᒪᑭᕝᕕᐊ ᓇᒡᒐᔾᔭᐅ, ᐃᐳᕈ 17 - ᑭᓪᓕᖃᖅᑎᑕᐅᔪᑦ ᐱᔨᑦᑎᖅᑕᐅᔪᑦ (ᐱᔨᑦᑎᕋᐅᑎᓄᑦ ᐊᑭᓖᑎᑕᐅᓂᐊᖅᑐᑦ)
ᐃᑲᕐᕋᕆᖃᑦᑕᖅᑕᖏᓐᓄᑦ ᐊᒻᒪ ᓄᓇᓯᐅᑎᓄᑦ−ᐱᔨᑦᑎᖅᑕᐅᔪᑦ ᑲᔪᓯᒃᑲᓐᓂᓛᖅᑐᑦ ᐃᐳᕈ 18, 2017.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᒍᒃ:
ᐋᓐᑐᕆᐊ ᓯᐱᑦᓱ
ᑐᓴᐅᒪᔾᔪᑎᓕᕆᔨ
ᓄᓇᓕᐸᐅᔭᖓ ᐃᖃᓗᐃᑦ
ᖃᕋᓴᐅᔭᒃᑯᑦ: A.Spitzer@city.iqaluit.nu.ca