ᐃᓄᓐᓄᑦ ᐱᔪᓐᓇᐅᑏᑦ ᐊᒻᒪ ᐸᕝᕕᓴᖅᑕᐅᑦᑕᐃᓕᓂᕐᒧᑦ ᐊᑐᐊᒐᖅ

Inuktitut
Date: 
Tuesday, September 5, 2017
Document Type: 
Policy
Department: 
Administration
Human Resources

ᐃᓄᓐᓄᑦ ᐱᔪᓐᓇᐅᑏᑦ ᐊᒻᒪ ᐸᕝᕕᓴᖅᑕᐅᑦᑕᐃᓕᓂᕐᒧᑦ ᐊᑐᐊᒐᖅ
1.0 ᐊᑐᐊᒐᒧᑦ ᐅᖃᖅᓯᒪᓂᖏᑦ
ᓄᓇᓕᐸᐅᔭᖓᑦ ᐃᖃᓗᐃᑦ (“ᓄᓇᓕᐸᐅᔭᒃᑯᑦ”) ᐊᖏᖅᓯᓚᐅᖅᑐᑦ ᑖᔅᓱᒥᖓ ᐃᓄᓐᓄᑦ ᐱᔪᓐᓇᐅᑎᕐᔪᐊᓂᑦ ᐊᒻᒪ ᐸᐱᓴᑦᑕᑲᐅᑦᑕᐃᓕᓂᕐᒧᑦ ᐊᑐᐊᒐᕐᒥᑦ (“ᐊᑐᐊᒐᖅ”) ᓈᒻᒪᑦᑐᒥᑦᓈᒻᒪᑦᑐᓂᑦ ᐊᒻᒪ ᐃᑉᐱᒍᓱᑦᑎᐊᖅᑐᓂᑦ ᐱᔨᑦᑎᓂᕐᒥᑦ ᐊᒻᒪ ᐃᖅᑲᓇᐃᔭᓂᕐᒥᑦᐱᖃᓯᐅᔾᔨᔪᓂᑦ ᐊᔾᔨᒌᓂᑦ ᐱᔨᑦᑎᖅᑕᐅᔪᓂᑦ ᐃᖅᑲᓇᐃᔭᖅᑎᓕᒫᓄᑦ, ᓄᓇᓕᒻᒥᐅᑕᓄᑦ ᐊᒻᒪ ᓄᓇᓕᐸᐅᔭᒃᑯᓐᓄᑦ ᐱᔨᑦᑎᖅᑕᐅᕙᑦᑐᑦ. ᑭᓇᑐᐃᓐᓇᖅ ᐱᔪᓐᓇᐅᑎᖃᖅᑐᖅᐊᔾᔨᒌᒥᑦ ᐱᔨᑦᑎᖅᑕᐅᓗᓂᓄᓇᓕᐸᐅᔭᒃᑯᓐᓄᑦ ᓇᓗᓇᐃᖅᑕᐅᔪᖅ ᑕᕝᕙᓂ ᐊᑐᐊᒐᕐᒥ.
ᑐᕌᒐᕆᔭᖓ ᑖᔅᓱᒪ ᐊᑐᐊᒐᐅᑉ ᑐᑭᓯᐅᒪᓂᖃᓕᖅᑎᑦᑎᓗᓂ ᐊᒻᒪ ᐃᑉᐱᒍᓱᖃᑎᒌᑦᑎᐊᓂᕐᒥᑦ ᐃᓅᔪᑦ ᐃᑉᐱᒍᓱᓐᓂᖃᖅᑐᑦ ᐃᓚᒋᔭᐅᓪᓗᑎ ᓄᓇᓕᒻᒧᑦ ᐊᒻᒪ ᑐᓂᓯᒍᓐᓇᖅᑐᓂ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᖃᓄᐃᖏᑎᐊᕐᓂᖓᓄᑦ ᓄᓇᓕᐸᐅᔭᖅ.
ᐸᕝᕕᓴᐃᓂᖅ ᐊᒻᒪ ᐃᓚᐃᓐᓈᖅᓯᓂᖅ ᑐᖁᓐᓇᕈᓐᓇᖅᑐᖅ ᐃᖅᑲᓇᐃᔭᓂᒃᐅᔪᒧᑦ, ᐃᓄᓐᓄᑦ ᐊᔅᓱᕉᓴᑦᑎᑦᑎᒍᓐᓇᖅᑐᓂ. ᓄᓇᓕᐸᐅᔭᒃᑯᑦ ᐊᑐᖅᑕᐅᑎᑦᑎᔮᖏᑦᑐᑦ, ᖁᔭᓈᕆᑐᐃᓐᓇᖏᓪᓗᑎ, ᐅᕝᕙᓘᓐᓃᑦ ᐃᓱᒪᒋᒧᓐᓃᖅᑕᐅᓗᓂ ᖃᓄᑐᐃᓐᓇᖅ ᐃᓚᐃᓐᓈᖅᑕᐅᓂᕐᒥᑦ ᐸᕝᕕᓴᑦᑕᐅᓂᕐᒥᓘᓐᓃᑦ ᐊᒻᒪ ᑲᔪᖏᖅᓯᒪᔪᑦ ᓴᖅᑭᔮᖅᑎᑦᑎᓗᑎ ᓈᒻᒪᑦᑐᓂᑦ ᒪᓕᑦᑕᐅᒋᐊᓕᓐᓂᑦ ᖃᖓᑐᐃᓐᓇᒃᑯᑦ.
ᐃᖅᑲᓇᐃᔭᖅᑎᓕᒫᑦ ᑲᒪᒋᔭᖃᖅᑐᑦ ᐃᑉᐱᒍᓱᑦᑎᐊᓂᕐᒥᑦ ᐅᐱᒋᓂᕐᒥᑦ ᐊᒻᒪ ᐱᔪᓐᓇᐅᑏᑦ, ᐋᖅᑭᑦᑕᐅᓯᒪᔪᑦ ᑕᕝᕙᓂ ᐊᑐᐊᒐᕐᒥᑦ, ᐃᖅᑲᓇᐃᔭᖃᑎᖏᓐᓂ ᐊᒻᒪ ᐃᓄᓐᓄᑦ ᐱᔨᑦᑎᖅᑕᖏᓐᓄᑦ. ᐃᓚᐃᓐᓈᕐᓂᖅ ᐊᒻᒪ ᐸᕝᕕᓴᐃᓂᖅ ᐱᒻᒪᕆᐅᔪᒥᑦ ᐱᑲᒻᒪᒍᑎᐅᕗᑦ ᐃᖅᑲᓇᐃᔭᖅᑎᓄᑦ ᖃᓄᐃᓕᒋᐊᖅᑕᐅᔪᓐᓇᖅᑐᑎ ᑎᑭᓯᒪᔪᓂᑦ ᓄᖅᑲᖅᑎᑕᐅᓂᕐᒧᑦ.
ᑭᓇᑐᐃᓐᓇᖅ ᐃᓄᓐᓂᑦ, ᐳᓛᕆᐊᖅᓯᒪᔪᓪᓗ ᓄᓇᓕᐸᐅᔭᒃᑯᑦ ᐃᓪᓗᖏᓐᓄᑦ ᐃᓄᐃᓪᓘᓐᓃᑦ ᐱᓕᕆᔭᖅᑐᖅᓯᒪᔪᑦ ᓄᓇᓕᐸᐅᔭᒃᑯᓐᓄᑦ ᓂᕆᐅᒋᔭᐅᔪᑦ ᒪᓕᓐᓂᖃᕐᓗᑎ ᑖᔅᓱᒥᖓ ᐊᑐᐊᒐᕐᒥᑦ, ᐱᖃᓯᐅᑎᓪᓗᑎ ᐸᕕᓴᐃᖏᓂᕐᒥᑦ ᐃᖅᑲᓇᐃᔭᖅᑎᓂᑦ, ᓂᕈᐊᖅᑕᐅᓯᒪᔪᓂᑦ, ᐊᒻᒪ ᐃᓄᓐᓂᑦ ᑭᒡᒐᖅᑐᐃᔪᓂᑦ ᓄᓇᓕᐸᐅᔭᒃᑯᓐᓂᑦ. ᐸᕝᕕᓴᐃᔪᖃᕐᓂᕈᓂ, ᓄᓇᓕᐸᐅᔭᒃᑯᑦ ᐃᒪᐃᓐᓂᐊᖅᑐᑦ, ᒪᓕᓐᓂᖃᕐᓗᑎ ᐋᖅᑭᑦᑕᐅᓯᒪᔪᓂᑦ ᑕᕝᕙᓂ ᐊᑐᐊᒐᕐᒥ, ᖃᓄᑐᐃᓐᓇᖅ ᐸᕕᓴᐃᔪᖃᖃᑦᑕᖏᓪᓗᓂ ᐃᖅᑲᓇᐃᔭᕐᕕᓐᓂᑦ, ᐱᖃᓯᐅᑎᓪᓗᑎ ᐃᓯᕈᓐᓇᐃᓕᑎᑦᑎᓂᖅ ᐸᕕᓴᖅᑐᒥᑦ ᐃᓪᓗᖑᓐᓄᑦ, ᓈᒻᒪᑎᓪᓗᒍ, ᐅᕝᕙᓘᓐᓃᑦ ᐱᓕᕆᖃᑎᒋᖃᑦᑕᕈᓐᓃᕐᓗᒋᑦ ᑳᓐᑐᕌᖅᑏᑦ ᐅᕝᕙᓘᓐᓃᑦ ᐅᖃᐅᔾᔨᒋᐊᖅᑏᑦ.
2.0 ᐊᑐᖅᑕᐅᓂᖓ
2.1 ᑭᓱᑐᐃᓐᓇᐃᑦ, ᐱᔨᑦᑎᖅᑕᐅᔪᑦ ᐊᒻᒪ ᐃᓪᓗᐃᑦ: ᑭᓇᑐᐃᓐᓇᖅ ᐱᔪᓐᓇᐅᑎᖃᖅᑐᑦ ᐊᔾᔨᒌᒥᑦ ᐱᔨᑦᑎᖅᑕᐅᓗᑎ, ᓇᓗᓇᐃᖅᑕᐅᓯᒪᔪᑦ ᑕᕝᕙᓂ ᐊᑐᐊᒐᕐᒥᑦ, ᐱᔾᔪᑎᖃᖅᑐᓂᑦ ᐱᖁᑎᖏᓐᓂ, ᐱᔨᑦᑎᖅᑕᐅᔪᓂᑦ ᐊᒻᒪ ᐃᓪᓗᓄᑦ, ᐃᓚᐃᓐᓈᖏᓐᓂᕐᒥᑦ ᐸᕝᕕᓴᐃᖏᓂᕐᒥᓪᓗ ᐱᔾᔪᑎᒋᓪᓗᒍ ᐱᔪᓐᓇᖅᑎᑕᐅᖏᑦᑐᓂᑦ ᑐᓐᖓᕕᖏᑦ: ᐃᓄᒃ ᖃᓄᐃᑦᑑᓂᖓ, ᐅᕕᓂᖓᑕ ᐊᒥᐊᖓ, ᓇᑭᓐᖔᕐᓂᒥᓂᖏᑦ, ᐱᖅᑯᓯᖓ ᓇᑭᓐᖔᕐᓂᖓ, ᓄᓇᓕᕐᔪᐊᒥᐅᑕᐅᓂᖓ, ᓇᑭᓐᖔᕐᕕᒋᓯᒪᔭᖓ, ᐅᑉᐱᕆᔭᖏᓐᓂ, ᐅᑉᐱᓂᕆᔭᖏᓐᓂᑦ, ᐊᕐᕌᒍᖏᑦ, ᐊᔪᕈᑎᖃᕐᓂᖏᑦ,
ᐊᖑᑕᐅᓂᖓ ᐊᕐᓇᐅᓂᖓ, ᐊᐃᑉᐸᖃᕐᓂᖓ ᖃᓄᐃᓕᖓᓂᖓ, ᐃᓚᖏᓐᓄᑦ ᖃᓄᐃᓕᖓᓂᖓ, ᓇᔾᔨᓂᖓ, ᒪᓕᒐᖅᑎᒍᑦ ᑮᓇᐅᔭᓕᐊᖑᔪᑦ ᐊᒻᒪ ᐸᓯᔭᔅᓴᖑᖅᑎᑕᐅᓯᒪᔪᖅ ᖁᔭᓈᖅᑕᐅᓂᖓᓄᑦ ᑐᓂᔭᐅᓯᒪᔪᖅ.
2.2 ᑳᓐᑐᕌᑦ
ᑭᓇᑐᐃᓐᓇᖅ ᐱᔪᓐᓇᐅᑎᖃᖅᑐᑦ ᐊᔾᔨᒌᒥᑦ ᐱᔨᑦᑎᖅᑕᐅᓗᑎ, ᓇᓗᓇᐃᖅᑕᐅᓯᒪᔪᑦ ᑕᕝᕙᓂ ᐊᑐᐊᒐᕐᒥ, ᐱᔾᔪᑎᖃᖅᑐᓂᑦ ᑳᓐᑐᕌᓄᑦ ᓄᓇᓕᐸᐅᔭᒃᑯᑦ ᑎᒥᐅᓪᓗᓂ, ᐃᓚᐃᓐᓈᕆᖏᓪᓗᓂ ᐅᕝᕙᓘᓐᓃᑦ ᐸᕕᓴᐃᖏᓪᓗᓂ ᑐᓐᖓᓂᖃᖅᑐᑎ ᐱᔪᓐᓇᖅᑎᑕᐅᖏᑦᑐᓂ ᐅᑯᓂᖓ ᐅᕝᕙᓘᓐᓃᑦ ᐃᓈᖏᓐᓂᕐᒥ ᐸᕝᕕᓴᐃᓂᕐᒥᑦ ᐃᓄᒻᒥᑦ ᐃᓄᓐᓂᓘᓐᓃᑦ ᐃᓚᒍᑕᒋᔭᐅᔪᓂᑦ ᑳᓐᑐᕌᓂᑦ ᐃᓄᒃ ᖃᓄᐃᑦᑑᓂᖓ, ᐅᕕᓂᖓᑕ ᐊᒥᐊᖓ, ᓇᑭᓐᖔᕐᓂᒥᓂᖏᑦ, ᐱᖅᑯᓯᖓ ᓇᑭᓐᖔᕐᓂᖓ, ᓄᓇᓕᕐᔪᐊᒥᐅᑕᐅᓂᖓ, ᓇᑭᓐᖔᕐᕕᒋᓯᒪᔭᖓ, ᐅᑉᐱᕆᔭᖏᓐᓂ, ᐅᑉᐱᓂᕆᔭᖏᓐᓂᑦ, ᐊᕐᕌᒍᖏᑦ, ᐊᔪᕈᑎᖃᕐᓂᖏᑦ, ᐊᖑᑕᐅᓂᖓ ᐊᕐᓇᐅᓂᖓ, ᐊᐃᑉᐸᖃᕐᓂᖓ ᖃᓄᐃᓕᖓᓂᖓ, ᐃᓚᖏᓐᓄᑦ ᖃᓄᐃᓕᖓᓂᖓ, ᓇᔾᔨᓂᖓ, ᒪᓕᒐᖅᑎᒍᑦ ᑮᓇᐅᔭᓕᐊᖑᔪᑦ ᐊᒻᒪ ᐸᓯᔭᔅᓴᖑᖅᑎᑕᐅᓯᒪᔪᖅ ᖁᔭᓈᖅᑕᐅᓂᖓᓄᑦ ᑐᓂᔭᐅᓯᒪᔪᖅ.
2.3 ᐃᖅᑲᓇᐃᔭᕐᓂᖅ: ᑭᓇᑐᐃᓐᓇᖅ ᐱᔪᓐᓇᐅᑎᖃᖅᑐᑦ ᐊᔾᔨᒌᒥᑦ ᐱᔨᑦᑎᖅᑕᐅᓗᑎ, ᓇᓗᓇᐃᖅᑕᐅᓯᒪᔪᑦ ᑕᕝᕙᓂ ᐊᑐᐊᒐᕐᒥ, ᐱᔾᔪᑎᖃᖅᑐᓂᑦ ᐃᖅᑲᓇᐃᔭᓂᕐᒧᑦ ᓄᓇᓕᐸᐅᔭᒃᑯᓐᓄᑦ, ᐃᓚᐃᓐᓈᕆᖏᓪᓗᓂ ᐅᕝᕙᓘᓐᓃᑦ ᐸᕕᓴᐃᖏᓪᓗᓂ ᑐᓐᖓᓂᖃᖅᑐᑎ ᐱᔪᓐᓇᖅᑎᑕᐅᖏᑦᑐᓂ ᐅᑯᓂᖓ ᐅᕝᕙᓘᓐᓃᑦ ᐃᓈᖏᓐᓂᕐᒥ ᐸᕝᕕᓴᐃᓂᕐᒥᑦ ᐃᓄᒻᒥᑦ ᐃᓄᓐᓂᓘᓐᓃᑦ ᐃᓚᒍᑕᒋᔭᐅᔪᓂᑦ ᑳᓐᑐᕌᓂᑦ ᐃᓄᒃ ᖃᓄᐃᑦᑑᓂᖓ, ᐅᕕᓂᖓᑕ ᐊᒥᐊᖓ, ᓇᑭᓐᖔᕐᓂᒥᓂᖏᑦ, ᐱᖅᑯᓯᖓ ᓇᑭᓐᖔᕐᓂᖓ, ᓄᓇᓕᕐᔪᐊᒥᐅᑕᐅᓂᖓ, ᓇᑭᓐᖔᕐᕕᒋᓯᒪᔭᖓ, ᐅᑉᐱᕆᔭᖏᓐᓂ, ᐅᑉᐱᕐᓂᕆᔭᖏᓐᓂᑦ, ᐊᕐᕌᒍᖏᑦ, ᑎᒥᒥᒍᑦ ᐊᔪᕈᑎᖃᕐᓂᖏᑦ, ᐊᖑᑕᐅᓂᖓ ᐊᕐᓇᐅᓂᖓ, ᐊᐃᑉᐸᖃᕐᓂᖓ ᖃᓄᐃᓕᖓᓂᖓ, ᐃᓚᖏᓐᓄᑦ ᖃᓄᐃᓕᖓᓂᖓ, ᓇᔾᔨᓂᖓ, ᒪᓕᒐᖅᑎᒍᑦ ᑮᓇᐅᔭᓕᐊᖑᔪᑦ ᐊᒻᒪ ᐸᓯᔭᔅᓴᖑᖅᑎᑕᐅᓯᒪᔪᖅ ᖁᔭᓈᖅᑕᐅᓂᖓᓄᑦ.
3.0 ᐊᖏᓂᖓ
ᑖᓐᓇ ᐊᑐᐊᒐᖅ ᐊᑐᖅᑕᐅᔪᖅ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᓕᒫᖏᓐᓄᑦ, ᓂᕈᐊᖅᑕᐅᓯᒪᔪᑦ ᐊᒻᒪ ᐃᖅᑲᓇᐃᔭᓂᕐᒨᖓᔪᓕᒫᑦ ᐱᓕᕆᖃᑦᑕᐅᑎᓂᖏᑦ. ᐃᖅᑲᓇᐃᔭᖅᑎᓕᒫᑦ ᒪᓕᓐᓂᐊᖅᑐᒋᔭᐅᔪᑦ ᑖᔅᓱᒥᖓ ᐊᑐᐊᒐᕐᒥᑦ. ᐃᖅᑲᓇᐃᔭᖅᑎᓕᒫᑦ ᑕᐃᒫᔅᓴᐃᓐᓇᖅ ᐃᑲᔪᖅᑐᐃᔪᑦ ᑖᔅᓱᒥᖓ ᐊᑐᐊᒐᕐᒥᑦ.
ᐊᐅᓚᑦᑎᔩᑦ ᐃᖅᑲᓇᐃᔭᖅᑏᑦ ᐱᖃᓯᐅᑎᓪᓗᑎ CAO, ᑐᑭᒧᐊᖅᑎᑦᑎᔩᑦ, ᐊᐅᓚᑦᑎᔩᑦ, ᑲᒪᔩᑦ ᐊᒻᒪ ᐃᖅᑲᓇᐃᔭᖅᑐᓕᕆᔨᒃᑯᒻᓐᓂᑦ ᐃᖅᑲᓇᐃᔭᖅᑏᑦ ᐱᓕᕆᐊᖃᕆᐊᖃᖅᑐᑦ ᑕᕝᕙᓂ ᐊᑐᐊᒐᕐᒥᑦ.
3.1 CAO
 ᓯᕗᓕᖅᑎᐅᔪᖅ ᓴᖅᑭᑎᑦᑎᓪᓗᓂ ᐊᒻᒪ ᐃᖅᑲᓇᐃᔭᕐᕕᖃᖅᑎᑎᓪᓗᓂ ᐸᕝᕕᓴᐃᓂᖃᖏᑦᑐᒥᑦ, ᐃᑉᐱᒍᓱᑦᑎᐊᖅᑐᓂᑦ ᐃᖅᑲᓇᐃᔭᕐᕕᓂᑦ.
3.2 ᐊᖏᔪᖅᑲᐅᑏᑦ ᐃᖅᑲᓇᐃᔭᖅᑏᑦ
ᐊᐅᓚᑦᑎᔨᓕᒫᑦ ᐃᖅᑲᓇᐃᔭᖅᑏᑦ ᐅᑯᓂᖓ ᐱᓕᕆᐊᖃᕆᐊᖃᖅᑐᑦ ᑕᕝᕙᓂ ᐊᑐᐊᒐᕐᒥ:
 ᐱᖃᑕᐅᖏᓪᓗᓂ ᖃᓄᐃᓘᕐᓂᐅᔪᓂᑦ ᐃᓚᐃᓐᓈᕆᒐᔭᖅᑐᓂᑦ ᐸᕝᕕᓴᐃᒐᔭᖅᑐᓂᓪᓘᓐᓃᑦ ᓇᓗᓇᐃᖅᑕᐅᓯᒪᔪᑦ ᑕᕝᕙᓂ ᐊᑐᐊᒐᕐᒥᑦ;
 ᐋᖅᑭᔅᓯᓂᕐᒥᑦ ᐊᒻᒪ ᐊᔭᐅᖅᓯᓂᕐᒥᑦ ᒪᓕᑦᑕᐅᒋᐊᓕᓐᓂᑦ ᓈᒻᒪᑦᑐᓂᑦ ᐃᖅᑲᓇᐃᔭᕐᕕᓄᑦ ᖃᓄᐃᓘᖅᑕᐅᔪᓂᑦ;
 ᖃᐅᔨᒪᓂᖃᑦᑎᐊᕐᓗᓂ ᑖᔅᓱᒥᖓ ᐊᑐᐊᒐᕐᒥ;
 ᓇᓗᓇᐃᖅᓯᔪᓐᓇᕐᓗᓂ ᑭᓱᑦ ᐸᕝᕕᓴᐃᓂᐅᒻᒪᖔᑕ ᐊᒻᒪ ᐃᓚᐃᓐᓈᕐᓂᐅᔪᓂᑦ;
 ᐅᖃᐅᔾᔨᒋᐸᕈᓐᓇᕐᓗᓂ ᐃᖅᑲᓇᐃᔭᖅᑎᓂᑦ ᐱᔪᓐᓇᐅᑎᖏᓐᓂᑦ ᐊᒻᒪ ᐱᓕᕆᐊᕆᒋᐊᖃᖅᑕᖏᓐᓂᑦ ᑕᕝᕙᓂ ᐊᑐᐊᒐᕐᒥᑦ;
 ᖃᓄᑐᐃᓐᓇᖅ ᖃᓄᐃᓕᓯᒋᐊᕋᓱᓪᓗᑎ ᐃᒻᑲᓇᐃᔭᕐᕕᒻᒥ ᐃᓚᐃᓐᓈᕐᓂᐅᔪᒥᑦ ᐸᕝᕕᓴᐃᓂᐅᔪᒥᓪᓘᓐᓃᑦ ᖃᐅᔨᒪᔭᖏᓐᓂᑦ ᐅᕝᕙᓘᓐᓃᑦ ᓈᒻᒪᑦᑐᒥᑦ ᖃᐅᔨᒪᓇᓱᒋᔭᖓᓂᑦ (ᓈᒻᒪᓴᖏᓐᓂᕋᖅᑐᖃᓚᐅᖅᑎᓐᓇᒍᓘᓐᓃᑦ), ᐊᑯᓂᐅᖏᑐᒃᑯᑦ ᑲᓐᖑᓇᖅᑏᓐᓇᕋᓱᔅᓯᓈᖅᑐᒍ;
ᐊᐅᓚᑦᑎᔩᑦ ᐃᖅᑲᓇᐃᔭᖅᑏᑦ ᑲᔪᖏᓴᖅᑕᐅᔪᑦ ᐅᖃᐅᔾᔨᓗᑎᑦ ᖃᐅᔨᒋᐊᕐᓗᑎ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ ᑐᑭᒧᐊᖅᑎᑕᐅᓂᕐᒧᑦ ᐱᓕᕆᐊᕆᓗᒋᑦ ᓵᒻᒪᓴᖏᒍᑕᐅᔪᑦ ᑕᕝᕙᓂ ᐊᑐᐊᒐᕐᒥᑦ.
3.3 ᑐᑭᒧᐊᖅᑎᑦᑎᔩᑦ, ᐊᐅᓚᑦᑎᔩᑦ ᐊᒻᒪ ᑲᒪᔩᑦ:
ᑐᑭᒧᐊᖅᑎᑦᑎᔩᑦ, ᐊᐅᓚᑦᑎᔩᑦ ᐊᒻᒪ ᑲᒪᔩᑦ ᐅᑯᓂᖓ ᑲᒪᒋᔭᕆᐊᖃᖅᑐᑦ:
 ᐃᖅᑲᓇᐃᔭᕐᕕᒋᔭᖏᑦ ᐸᕝᕕᓴᐃᓂᖃᖏᓪᓗᑎ ᐃᓚᐃᓐᓈᕐᓂᖃᖏᓪᓗᑎ ᐊᒻᒪ ᓈᒻᒪᑦᑐᓂᑦ ᖃᓄᐃᓕᓯᒋᐊᕐᓂᖃᕐᓗᑎ ᐅᔾᔨᕆᔭᖃᓕᑐᐊᕈᑎ ᐃᓚᐃᓐᓈᓂᕐᒥᑦ ᐊᒻᒪ/ᐅᕝᕙᓘᓐᓃᑦ ᐸᕝᕕᓴᐃᓂᕐᒥᑦ ᒪᓕᓐᓂᖃᕐᓗᓂ ᐊᑐᐊᒐᕐᒥᑦ;
 ᐃᓕᓐᓂᐊᑎᑦᑎᓗᑎ ᐃᖅᑲᓇᐃᔭᖅᑎᓂᑦ ᖃᐅᔨᒪᑦᑎᐊᕐᓗᑎ ᐸᕝᕕᓴᐃᓂᖅ ᐊᒻᒪ ᐃᓚᐃᓐᓈᕐᓂᖅ ᐊᑐᖅᑕᐅᔮᖏᒻᒪᑦ ᐊᒻᒪ ᖃᐅᔨᒪᓗᑎ ᐱᔪᓐᓇᐅᑎᖏᓐᓂᑦ ᐊᒻᒪ ᑲᒪᒋᔭᕆᐊᖃᖅᑕᖏᓐᓂᑦ ᑕᕝᕙᓂ ᐊᑐᐊᒐᕐᒥ ᐱᖃᓯᐅᑎᓪᓗᑎ ᐊᑐᐊᒐᕐᓂᑦ ᓯᖁᒥᑦᑕᐅᔪᑦ ᐋᖅᑭᑦᑕᐅᔪᓐᓇᕐᓂᖏᓐᓄᑦ;
 ᑎᑎᕋᖅᓯᓗᑎ ᓇᓗᓇᐃᔭᖅᓯᒪᔪᓂᑦ ᐃᓚᐃᓐᓈᕆᓂᕐᒥᑦ ᐊᒻᒪ ᐸᕝᕕᓴᐃᓂᕐᒥ ᐃᓱᒫᓘᑕᐅᔪᑦ, ᖃᓄᐃᓕᒋᐊᕈᑕᐅᔪᑦ, ᖃᓄᐃᓐᓂᕆᔭᖏᑦ ᐅᕝᕙᓘᓐᓃᑦ ᐋᖅᑭᒍᑎᑦ ᐊᑐᓕᖅᑎᑕᐅᔪᑦ ᐃᓚᐃᓐᓈᕐᓂᐅᓯᒪᔪᒥᑦ ᐅᕝᕙᓘᓐᓃᑦ ᐸᕝᕕᓴᐃᓂᐅᓯᒪᔪᒥ;
 ᖃᐅᔨᓴᕐᓂᖅ ᖃᓄᐃᓕᖓᓂᖓᓂᑦ ᓈᒻᒪᓴᖏᓐᓂᕋᖅᑐᖃᓚᐅᖅᑎᓪᓗᒍ ᐸᕝᕕᓴᐃᓂᐅᔪᖅ ᐃᓚᐃᓐᓈᕆᓂᐅᔪᕐᓘᓐᓃᑦ ᓄᖅᑲᖓᓕᕋᓗᐊᕐᒪᖔᑦ ᐊᒻᒪ ᐊᑐᓕᖅᑎᑦᑎᓗᓂ ᓈᒻᒪᑦᑐᓂᑦ ᑕᐃᒪᐃᑲᓐᓂᕈᑎᐅᓂᐊᖏᑦᑐᓂᑦ.
3.4 ᐃᖅᑲᓇᐃᔭᖅᑐᓕᕆᔨᒃᑯᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ ᐅᑯᓂᖓ ᑲᒪᒋᔭᕆᐊᖃᖅᑐᑦ:
 ᓯᕗᓕᖅᑎᐅᓂᕐᒧᑦ ᑲᒪᒋᔭᖃᕐᓗᓂ ᐅᖃᐅᔾᔨᒋᐊᓂᕐᒥᑦ ᐊᑐᐊᒐᕐᒥᑦ ᐃᓚᒍᑕᖏᓐᓂᑦ, ᐱᓕᕆᐊᖑᔪᓂᑦ ᐊᒻᒪ ᐃᑲᔪᖅᑐᓂ ᐋᖅᑭᑦᑕᐅᓗᑎ ᐃᓱᒫᓘᑕᐅᔪᑦ ᓈᒻᒪᓴᖏᒍᑕᐅᓂᓪᓗ;
 ᐲᔭᐃᓗᑎ ᐊᐳᕈᑎᐅᔪᓂᑦ ᐃᖅᑲᓇᐃᔭᓂᕐᒧᑦ ᐊᑐᐊᒐᕐᓂᑦ ᐊᒻᒪ ᐊᑐᖅᑕᐅᔪᓂᑦ ᐊᑦᑐᐃᓂᖃᕈᓐᓇᖅᑐᓂᑦ ᐃᓚᐃᓐᓈᓂᕐᒥᑦ ᐃᓄᓐᓂᑦ ᐱᓕᕆᖃᑎᒌᑦᑐᓂᑦ ᐃᓄᓐᓂᓘᓐᓃᑦ ᐃᒻᒥᑰᖅᑐᓂᑦ;
 ᑐᓴᖅᑎᑦᑎᔪᑎᒋᔭᐃᓐᓇᕆᓗᒋᑦ ᓈᒻᒪᓴᖏᒍᑕᐅᔪᑦ ᐊᒻᒪ/ᐅᕝᕙᓘᓐᓃᑦ ᐃᓚᐃᓐᓈᕐᓂᐅᔪᑦ CAO−ᒧᑦ ᒪᓕᓪᓗᒍ ᑖᓐᓇ ᐊᑐᐊᒐᖅ;
 ᐱᓕᕆᖃᑎᖃᕐᓂᖅ ᖃᐅᔨᓴᕐᓂᐅᔪᓂᑦ;
 ᐃᑲᔪᖅᑐᐃᓂᖅ ᐊᐅᓚᑦᑎᔨᓂᑦ ᐱᓕᕆᐊᖃᓂᕐᒥᑦ ᐸᕝᕕᓴᐃᓂᕐᒥᑦ ᐊᒻᒪ ᐃᓚᐃᓐᓈᓂᕐᒥᑦ;
 ᐱᓕᒻᒪᔅᓴᐃᑎᑦᑎᓗᓂ ᐊᐅᓚᑦᑎᔨᓂᑦ ᐊᒻᒪ ᐃᖅᑲᓇᐃᔭᖅᑎᓂᑦ ᑖᔅᓱᒥᖓ ᐊᑐᐊᒐᑉᒥᑦ;
 ᖃᐅᔨᓴᕐᓗᓂ ᓂᕈᐊᖅᐸᓪᓕᐊᓂᕐᒥ ᓴᓕᑦᑕᐅᓂᖓᓄᑦ ᑖᓐᓇ ᐊᑐᐊᒐᖅ;
 ᖃᐅᔨᒪᓗᓂᐅ ᑖᓐᓇ ᐊᑐᐊᒐᖅ ᐊᒻᒪ ᓄᓇᕗᒻᒥ ᐃᓄᓐᓄᑦ ᐱᔪᓐᓇᐅᑎᕐᔪᐊᖏᑦ ᐱᖁᔭᖅ S.Nu. 2003,c.12.
3.5 ᐃᖅᑲᓇᐃᔭᖅᑏᑦ:
 ᖃᐅᔨᒪᓗᑎ ᐱᔪᓐᓇᐅᑎᖏᓐᓂᑦ ᐊᒻᒪ ᑲᒪᒋᔭᕆᐊᖃᖅᑕᖏᓐᓂᑦ ᑕᕝᕙᓂ ᐊᑐᐊᒐᕐᒥ ᓄᓇᕗᒻᒥ ᐊᒻᒪ ᐃᓄᓐᓄᑦ ᐱᔪᓐᓇᐅᑎᕐᖏᓐᓄᑦ ᐱᖁᔭᖅ S.Nu. 2003,c.12;
 ᐃᓚᐅᑎᑦᑎᖏᓐᓂᖅ ᖃᓄᐃᓘᕐᓂᖃᖅᑐᓂᑦ ᓇᓗᓇᐃᖅᓯᔪᑦ ᐃᓚᐃᓐᓈᒃᓂᐅᒐᔭᖅᑐᒥᑦ ᐊᒻᒪ ᐸᕝᕕᓴᐃᓂᐅᒐᔭᖅᑐᒥᑦ ᑕᕝᕙᓂ ᐊᑐᐊᒐᕐᒥ ᓄᓇᕗᒻᒥ ᐊᒻᒪ ᐃᓄᓐᓄᑦ ᐱᔪᓐᓇᐅᑎᖏᓐᓄᑦ ᐱᖁᔭᖅ;
 ᓴᖅᑭᑎᑦᑎᑦᑕᐅᑎᒋᓗᑎ ᐃᓱᒫᓘᑕᐅᔪᓂᑦ ᐃᓚᐃᓐᓈᖅᑕᐅᓐᓂᕈᕕᑦ ᐅᕝᕙᓘᓐᓃᑦ ᐸᕕᓴᑦᑕᐅᓐᓂᕈᕕᑦ;
 ᑎᑎᕋᖅᑕᐅᓗᑎ ᓇᓗᓇᐃᔭᖅᓯᒪᓗᒋᑦ ᐸᕕᓴᑦᑕᐅᔪᓂᑦ ᐊᒻᒪ, ᐅᕝᕙᓘᓐᓃᑦ ᐃᓚᐃᓐᓈᖅᑕᐅᔪᓂᑦ ᐅᕝᕙᓘᓐᓃᑦ ᖃᐅᔨᔭᐅᔪᓂᑦ;
 ᐱᓕᕆᖃᑎᖃᕐᓂᖅ ᕿᑎᖓᓄᐊᓂᕐᒥᑦ ᐊᒻᒪ ᖃᐅᔨᓴᓂᕐᒥᑦ ᐋᖅᑭᑦᑕᐅᓗᓂ ᐸᕝᕕᓴᐃᓂᐅᔪᓂ ᐃᓱᒫᓘᑕᐅᔪᑦ;
 ᑲᓐᖑᓇᖅᑎᑏᓐᓇᕐᓗᓂ ᐊᑦᑐᐊᓂᓕᓐᓄᑦ ᐃᓄᓐᓄᑦ ᐱᔪᓐᓇᐅᑎᑎᓄᑦ ᖃᐅᔨᓴᖅᑕᐅᔪᓄᑦ.
ᐃᖅᑲᓇᐃᔭᖅᑏᑦ ᑲᔪᖏᖅᓴᖅᑕᐅᔪᑦ ᑐᓴᖅᑎᑦᑎᓗᑎ ᖃᓄᐃᓐᓂᐅᔪᓂᑦ ᐸᕝᕕᓴᐃᓂᕐᒥᑦ, ᐃᓚᐃᓐᓈᓂᕐᒥᑦ ᐅᕝᕙᓘᓐᓃᑦ ᐊᑭᒋᐊᕐᓂᐅᔪᓂᑦ ᖃᐅᔨᔭᖏᓐᓂᑦ.
4.0 ᑐᑭᖏᑦ
4.1 ᐸᓯᔅᓯᓂᖅ: ᐸᓯᔅᓯᓂᐅᔪᖅ ᓇᓗᓇᐃᖅᑕᐅᓚᐅᖅᑎᓐᓇᒍ ᐅᕝᕙᓘᓐᓃᑦ ᐅᓂᒃᑳᑦ ᑐᓐᖓᓂᖃᖅᑐᑦ ᐃᓅᑉ ᖃᓄᐃᓐᓂᕆᒐᓱᒋᔭᖓᓂᒥᑦ.
4.2 ᓈᒻᒪᓴᖏᓐᓂᕋᖅᑐᖅ: ᐃᓅᔪᖅ ᓈᒻᒪᓴᖏᓐᓂᕋᖅᑐᖅ ᐃᓚᐃᓐᓈᖅᑐᖃᓂᕐᒥᑦ ᐅᕝᕙᓘᓐᓃᑦ ᐸᕝᕕᓴᐃᓂᕐᒥᑦ ᑕᕝᕙᓂ ᐊᑐᐊᒐᕐᒥ. ᐊᑕᐅᓯᐅᓗᐊᕈᓐᓇᖅᑐᖅ ᓈᒻᒪᓴᖏᓐᓂᕋᖅᑐᖅ ᑕᕝᕙᓂ ᐊᑐᐊᒐᕐᒥᑦ.
4.3 ᐃᓚᐃᓐᓈᖅᑕᐅᓂᖅ: ᐃᓚᐃᓐᓈᕆᓂᖅ ᐱᖃᓯᐅᔾᔨᔪᖅ, ᑭᓯᐊᓂ ᑭᓪᓕᒋᖏᑕᖏᑦ, ᐊᔾᔨᒌᖏᑦᑐᓂᑦ ᐱᔨᑦᑎᕐᓂᖅ ᑐᓐᖓᓂᖃᖅᑐᑎᑦ ᐊᑕᐅᓯᕐᒥᑦ ᐊᑕᐅᓯᐅᓗᐊᖅᑐᒥᓪᓘᓐᓃᑦ ᑐᓐᖓᕕᖃᖅᑐᓂᑦ ᐃᓗᐊᓂ ᓄᓇᕗᒻᒥ ᐃᓄᓐᓄᑦ ᐱᔪᓐᓇᐅᑏᑦ ᐱᖁᔭᖅ, S.Nu. 2003,c.12. ᐃᓚᐃᓐᓈᕐᓂᖅ ᐱᔮᕆᓯᒪᓂᐅᒍᓐᓇᖅᑐᑦ ᐱᔮᕆᔭᐅᓯᒪᖏᓪᓗᑎᓪᓘᓐᓃᑦ, ᑕ−ᕗᖓᑦᑕᐅᑎᒋ ᐅᕝᕙᓘᓐᓃᑦ ᑕᕝᕗᖓᑦᑕᐅᑎᒋᐅᖏᑦᑐᖅ. ᐃᓚᐃᓐᓈᕆᓂᖅ ᐃᖅᑲᓇᐃᔭᓂᕐᒥᑦ ᐊᑐᕆᐊᖃᖅᑎᑕᐅᖏᑦᑐᖅ ᓄᓇᕗᒻᒥ ᐃᓄᓐᓄᑦ ᐱᔪᓐᓇᐅᑏᑦ ᐱᖁᔭᖅ ᑐᓐᖓᓂᖃᖅᑐᑎᑦ ᐃᓄᒃ ᖃᓄᐃᑦᑑᓂᖓ, ᐅᕕᓂᖓᑕ ᐊᒥᐊᖓ, ᓇᑭᓐᖔᕐᓂᒥᓂᖏᑦ, ᐱᖅᑯᓯᖓ ᓇᑭᓐᖔᕐᓂᖓ, ᓄᓇᓕᕐᔪᐊᒥᐅᑕᐅᓂᖓ, ᓇᑭᓐᖔᕐᕕᒋᓯᒪᔭᖓ,
ᐅᑉᐱᕆᔭᖏᓐᓂ, ᐅᑉᐱᓂᕆᔭᖏᓐᓂᑦ, ᐊᕐᕌᒍᖏᑦ, ᐊᔪᕈᑎᖃᕐᓂᖏᑦ, ᐊᖑᑕᐅᓂᖓ ᐊᕐᓇᐅᓂᖓ, ᐊᐃᑉᐸᖃᕐᓂᖓ ᖃᓄᐃᓕᖓᓂᖓ, ᐃᓚᖏᓐᓄᑦ ᖃᓄᐃᓕᖓᓂᖓ, ᓇᔾᔨᓂᖓ, ᒪᓕᒐᖅᑎᒍᑦ ᑮᓇᐅᔭᓕᐊᖑᔪᑦ ᐊᒻᒪ ᐸᓯᔭᔅᓴᖑᖅᑎᑕᐅᓯᒪᔪᖅ ᖁᔭᓈᖅᑕᐅᓂᖓᓄᑦ ᑐᓂᔭᐅᓯᒪᔪᖅ. ᐃᓚᐃᓐᓈᕐᓂᖅ ᓴᖅᑭᕈᓐᓇᖅᑐᖅ ᑕᕝᕗᖓᑦᑕᐅᑎᒋ ᐊᔾᔨᒌᖏᑦᑐᓂ ᖃᓄᐃᓘᖅᑕᐅᔪᓂᑦ ᐅᕝᕙᓘᓐᓃᑦ ᓴᖅᑭᕈᓐᓇᖅᑐᖅ ᐊᔾᔨᐅᖏᑦᑐᒥᑦ ᖃᓄᐃᓐᓂᕆᔭᖓᓂ ᖃᓄᐃᓘᖅᑕᐅᔪᓂ ᐃᓄᓐᓄᑦ ᐊᒻᒪ ᑎᒥᐅᔪᓄᑦ ᐊᔾᔨᖓᓂᑦ.
4.4 ᐃᖅᑲᓇᐃᔭᖅᑏᑦ: ᐱᔾᔪᑎᒋᔭᖓ ᑖᔅᓱᒧᖓ ᐊᑐᐊᒐᕐᒧᑦ, ᐅᖃᖅᓯᒪᓂᖓ ᐃᖅᑲᓇᐃᔭᖅᑎ ᐱᖃᓯᐅᔾᔨᔪᖅ: ᐃᖅᑲᓇᐃᔭᐃᓐᓇᖅᑐᑦ, ᐃᖅᑲᓇᐃᔭᑲᐃᓐᓇᖃᑦᑕᖅᑐᑦ ᐅᓪᓘᑉ ᐃᓚᐃᓐᓇᖓᓂ, ᐃᖅᑲᓇᐃᔭᖅᑎᑕᐅᑲᐃᓐᓇᖅᑐᑦ, ᐃᖅᑲᓇᐃᔮ ᑖᕋᑖᖅᑐᑦ ᐊᒻᒪ ᐃᖅᑲᓇᐃᔭᑕᐃᓐᓇᖅᑐᑦ, ᐃᓕᓐᓂᐊᖅᑏᑦ, ᐃᑲᔪᑐᐃᓐᓇᖃᑦᑕᖅᑐᑦ, ᐃᖅᑲᓇᐃᔮᑖᕋᓱᐊᖅᑐᑦ, ᑳᓐᑐᕌᖅᑏᑦ ᐊᒻᒪ ᐅᖃᐅᔾᔨᒋᐊᖅᑏᑦ ᐃᖅᑲᓇᐃᔭᖅᑐᑦ ᓄᓇᓕᐸᐅᔭᒃᑯᓐᓄᑦ.
4.5 ᐊᔾᔨᒌᒥᑦ ᐱᔨᑦᑎᖅᑕᐅᓂᖅ: ᐊᔾᔨᒌᒥ ᐱᔨᑦᑎᕐᓂᖅ ᐱᔨᑦᑎᕐᓂᐅᔪᖅ ᐊᔾᔨᒌᓂᑦ ᖃᓄᐃᓐᓂᖃᖅᑎᑦᑎᔪᑦ ᐊᒻᒪ ᐊᔾᔨᒋᖏᑕᖓᓂ ᐱᓕᕆᐊᖑᑐᐃᓐᓇᕆᐊᓕ
4.6 ᐸᕝᕕᓴᐃᓂᖅ: ᐸᕝᕕᓴᐃᓂᖅ ᑐᑭᖃᖅᑐᖅ ᓈᒻᒪᖏᑦᑐᒥ ᐅᖃᐅᓯᖃᕐᓂᖅ ᐅᕝᕙᓘᓐᓃᑦ ᖃᓄᐃᓘᕐᓂᖃᕐᓂᑦ ᐃᓅᔪᖅ ᖃᐅᔨᒪᔪᖅ ᐅᕝᕙᓘᓐᓃᑦ ᖃᐅᔨᒪᒐᔭᖅᑑᔮᖅᑦᑐᓂ ᑐᓐᖓᓇᖏᓐᓂᖓᓄᑦ, ᐱᔪᒥᓇᖏᑦᑐᑦ, ᑲᓐᖑᓴᐃᓂᖅ ᐅᕝᕙᓘᓐᓃᑦ ᐋᓐᓂᓇᕐᓂᖅ. ᐸᕝᕕᓴᐃᓂᓂᖅ ᐃᓚᐃᓐᓈᕐᓂᐅᔪᓐᓇᖅᑐᖅ. ᐸᕝᕕᓴᐃᓂᐅᔪᖅ ᓴᖅᑭᕈᓐᓇᖅᑐᖅ ᐅᑯᓂᖓ ᑭᓯᐊᓂ ᑭᓪᓕᒋᖏᑕᖏᑦ ᐃᖅᑲᓇᐃᔭᖃᑎᒌᑦᑐᑦ, ᐊᑯᓐᓂᖏᓐᓂ ᐊᐅᓚᑦᑎᔩᑦ ᐊᒻᒪ ᐃᖅᑲᓇᐃᔭᖅᑏᑦ, ᐃᖅᑲᓇᐃᔭᖅᑎᓂᑦ ᐊᒻᒪ ᑲᑎᒪᔨᓂᑦ,. ᓇᓗᓇᐃᒃᑲᓂᕐᓗᒍ, ᓇᓗᓇᐃᖅᓯᓗᓂ ᐸᕝᕕᓴᐃᓂᐅᓯᒪᔪᒥᑦ ᐱᔾᔪᑎᒋᓪᓗᒍ ᑖᔅᓱᒧᖓ ᐊᑐᐊᒐᕐᒧᑦ, ᐸᕝᕕᓴᑦᑐᒥᓂᐅᓯᒪᓱᒋᔭᐅᓂᐊᖅᑐᑦ ᓇᓪᓗᐊᑐᐃᓐᓇᖅ ᐅᑯᓂᖓ ᐱᑕᖃᖅᑐᓂᑦ ᐱᑕᖃᖅᓯᒪᔪᓂᓪᓘᓐᓃᑦ:
a) ᖃᓄᐃᓘᑲᓐᓂᖃᑦᑕᕐᓂᐅᔪᑦ, ᐅᖃᐅᓰᑦ, ᑕᑯᔅᓴᐅᑎᑕᐅᔪᑦ, ᖃᓄᐃᓘᖅᑕᐅᔪᑦ ᐅᕝᕙᓘᓐᓃᑦ ᖃᓄᐃᓘᖑᐊᖅᑐᑦ ᓴᖅᑭᖅᑎᑕᐅᔭᕆᐊᓖᖅ; ᐅᕝᕙᓘᓐᓃᑦ
b) ᐊᑕᐅᓯᐊᖅᑐᒥ ᖃᓄᐃᓐᓂᐅᔪᒥᑦ, ᐅᕝᕙᓘᓐᓃᑦ ᐊᑕᐅᓯᐊᖅᑐᓂ ᐱᒻᒪᕆᐅᔪᒥ ᐅᖃᐅᓯᖃᕐᓂᖅ, ᑕᑯᔅᓴᐅᑎᑦᑎᓂᖅ ᐅᕝᕙᓘᓐᓃᑦ ᖃᓄᐃᓘᖑᐊᕐᓂᖅ ᐊᑯᓂᐅᔪᒧᑦ ᐊᑦᑐᐃᓂᖃᖅᑐᑦ ᐃᖅᑲᓇᐃᔭᖅᑎᒧᑦ ᓴᖅᑭᖅᑎᑕᐅᔭᕆᐊᓕᒃ.
ᐱᔾᔪᑎᒋᓪᓗᒍ ᓴᖅᑭᑎᑦᑎᓂᕐᒥᑦ ᐸᕝᕕᓴᐃᓂᐅᔪᒥᑦ ᓴᖅᑭᖅᑐᖃᕐᓂᖓᓄᑦ, ᐸᕝᕕᓴᐃᓂᖅ ᐱᖃᓯᐅᔾᔨᖏᑦᑐᑦ ᓈᒻᒪᑦᑐᓂ ᖃᓄᐃᓘᖅᑕᐅᔪᓂᑦ ᓄᓇᓕᐸᐅᔭᒃᑯᓐᓄᑦ ᐃᖅᑲᓇᐃᔭᖅᑎᑦᑎᔨᐅᓪᓗᓂ, ᐅᕝᕙᓘᓐᓃᑦ ᑐᑭᒧᐊᖅᑎ, ᐊᐅᓚᑦᑎᔨ ᐅᕝᕙᓘᓐᓃᑦ ᑲᒪᔨ ᐃᖅᑲᓇᐃᔭᖅᑎᑕᐅᔪᖅ ᐱᖃᑕᐅᔪᕐᓘᓐᓃᑦ ᓄᓇᓕᐸᐅᔭᒃᑯᓐᓄᑦ, ᐱᔾᔪᑎᖃᖅᑐᓂ ᐊᐅᓚᑦᑎᓂᕐᒧᑦ ᐊᒻᒪ ᑐᑭᒧᐊᖅᑕᖏᓐᓂᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᒋᔭᖓ, ᐱᖃᓯᐅᑎᓪᓗᑎ ᖃᓄᐃᓘᖃᑦᑕᕐᓂᖓᓄᑦ ᖃᐅᔨᓴᖅᑕᐅᓂᖏᑦ ᐃᖅᑲᓇᐃᔭᖅᑏᑦ ᐊᓯᖏᓪᓘᓐᓃᑦ.
4.7 ᐃᓅᑉ ᖃᓄᐃᑦᑑᓂᖓᓄᑦ ᐸᕝᕕᓴᐃᓂᖅ: ᐃᓅᑉ ᖃᓄᐃᑦᑑᓂᖓᓄᑦ ᐸᕝᕕᓴᐃᓂᖅ ᐸᕝᕕᓴᐃᓂᐅᔪᖅ ᑐᓐᖓᓂᖃᖅᑐᑎ ᐃᓄᒃ ᖃᓄᐃᑦᑑᓂᖓ. ᐊᑦᑐᐊᓂᖃᕈᓐᓇᕐᒥᔪᖅ ᐊᒥᐊᖓᓄ, ᓇᑭᓐᖔᕐᒥᓂᖓ, ᐃᓅᑉ ᐃᓅᕕᒥᓂᖓ, ᐃᓅᑉ ᐅᑉᐱᕐᓂᖓ, ᐱᖅᑯᓯᖓᓄ, ᓄᓇᓕᕐᔪᐊᒥᐅᑕᐅᓂᖓ ᐅᕝᕙᓘᓐᓃᑦ ᐃᓅᑉ ᐅᖃᐅᓯᖓᓐᓂ. ᐃᓅᑉ ᖃᓄᐃᑦᑐᓂᖓᓄᑦ ᐸᕝᕕᓴᐃᓂᖅ/ᐃᓚᐃᓐᓈᕐᓂᖅ ᐱᖃᓯᐅᔾᔨᔪᓐᓇᖅᑐᖅ: ᐃᓅᑉ ᖃᓄᐃᑦᑐᓂᖓᓄᑦ ᓂᓪᓕᐊᑲᒻᒪᖃᑦᑕᕐᓂᖅ ᐅᕝᕙᓘᓐᓃᑦ ᒥᑕᐃᑎᓴᕐᓂᖅ, ᐋᓐᓂᓇᖅᑐᓂᑦ ᐅᕝᕙᓘᓐᓃᑦ ᐊᔾᔨᒋᖏᑕᖓᓂ ᐱᔨᑦᑎᖅᑕᐅᔪᑦ ᖃᓄᐃᑦᑑᓂᕐᓄᑦ ᓴᖅᑭᑎᑦᑎᓂᒃᑯᑦ/ᑎᑎᖅᑲᑎᒍᑦ ᖃᕋᓴᐅᔭᒃᑯᑦ ᑎᑎᖅᑐᒐᖅᓯᒪᔪᓂᑦ ᐅᕝᕙᓘᓐᓃᑦ ᐊᔾᔨᓐᖑᐊᓂᑦ ᐊᑦᑎᓪᓕᑎᑦᑎᔪᑦ ᐃᓄᓐᓂᑦ
ᐃᓅᑉ ᖃᓄᐃᑦᑑᓂᖏᓐᓄᑦ ᐊᑎᕆᑕᖏᓐᓂ ᐊᑎᖃᖅᑎᑦᑎᓂᖅ ᐱᔾᔪᑎᒋᓪᓗᒍ ᐃᓅᑉ ᖃᓄᐃᑦᑑᓂᖓ, ᐊᒥᐊᖓ, ᓄᓇᓕᕐᔪᐊᒥᐅᑕᐅᓂᖓ, ᓇᑭᓐᖔᕐᓂᒥᓂᖓ, ᓯᕗᕚᖏᑦ, ᐱᖅᑯᓯᒧᑦ ᐅᕝᕙᓘᓐᓃᑦ ᐅᑉᐱᕆᔭᖏᓐᓂ.
4.8 ᓈᒻᒪᒋᔭᐅᖏᓐᓂᕋᖅᑕᖅ: ᐃᓅᔪᖅ ᓈᒻᒪᒋᔭᐅᖏᓐᓂᕋᖅᑕᖅ ᑐᓂᓯᔾᔪᑕᐅᓪᓗᓂ.
4.9 ᖁᓄᔪᓐᓂᐊᓂᕐᒧᑦ ᐸᕝᕕᓴᐃᓂᖅ: ᐸᕝᕕᓴᐃᓂᖅ ᑐᓐᖓᓂᖃᖅᑐᑎᑦ ᐊᖑᑕᐅᓂᖓᓄ ᐊᕐᓇᐅᓂᖓᓄᑦ. ᑖᓐᓇ ᐱᖃᓯᐅᔾᔨᔪᖅ ᐱᓇᓱᐊᓂᕐᒥᑦ ᐅᕝᕙᓘᓐᓃᑦ ᖃᓄᐃᓘᖅᑎᑦᑎᒐᓱᐊᓂᕐᒥᑦ ᑭᓇᑐᐃᓐᓇᕐᒥᑦ ᖃᐅᔨᒪᔭᖓᓂ ᖃᐅᔨᒪᒐᔭᖅᑑᔮᖅᑕᖓᓂᓪᓘᓐᓃᑦ ᐱᓇᓱᐊᕐᓂᐅᔪᖅ ᑐᓐᖓᓇᖏᒻᒪᑦ, ᐱᓗᐊᖅᑐᒥ ᐱᓇᓱᐊᕐᓂᐅᔪᑦ ᐃᓄᒻᒥᑦ ᐃᓂᖃᖅᑐᒥ ᑐᓂᓯᔪᓐᓇᖅᑐᓂ ᐊᖏᖅᓯᖏᓪᓗᓂᓘᓐᓃᑦ ᐃᑲᔫᓯᑎᒥ ᐅᕝᕙᓘᓐᓃᑦ ᐃᓚᐅᖃᑕᐅᓗᓂᐊᑭᒋᐊᖅᓯᓂᕐᒥᑦ ᐅᕝᕙᓘᓐᓃᑦ ᑲᑉᐱᐊᓵᕆᓂᐅᔪᖅ ᐊᑭᒋᐊᓂᐅᑉᐸᑦ ᐱᓇᓱᐊᕐᓂᖅ ᐊᖏᖅᑕᐅᓐᓇᓂ. ᐊᓯᖏᒃ ᐆᑦᑐᕋᐅᑏᑦ ᑯᔭᓐᓂᕐᒧᑦ ᐅᖃᐅᓯᐅᔪᑦ ᓂᓪᓕᐊᑲᒻᒪᓂᕐᒧᓪᓗ ᖃᓄᐃᓘᖑᐊᓂᕐᒧᓘᓐᓃᑦ, ᑕᑯᓐᓇᓂᕐᒧᓪᓗ ᐃᓅᑉ ᑎᒥᖓᓂ, ᐊᑦᑐᖁᔭᐅᖏᑦᑐᓂᑦ ᐊᑦᑐᖅᑕᐅᔪᑦ, ᐃᖅᑲᓇᐃᔭᕐᓂᖅ ᐊᖑᑕᐅᓂᐅᔪᓄᑦ ᐊᕐᓇᐅᓂᐅᔪᓄᑦ ᐃᖅᑲᓇᐃᔭᕐᕕᖃᕐᓂᖅ (ᓂᓪᓕᐊᖃᑦᑕᖅᑐᑦ ᑯᔭᒍᒪᕈᔪᒪᓂᕐᒥᑦ, ᐅᖃᐅᓯᖃᕐᓗᑎᓪᓘᓐᓃᑦ ᑯᔭᓐᓂᕐᒨᖓᔪᓂᑦ), ᑐᓂᐅᖅᑲᐃᓂᖅ ᓴᖅᑭᔮᖅᑎᑦᑎᓂᕐᓘᓐᓃᑦ ᑐᓐᖓᓇᖏᑦᑐᓂ ᒥᑕᐅᑎᔅᓴᐅᑎᓂᑦ ᑎᑎᖅᑐᒐᖅᓯᒪᔪᓂᓪᓘᓐᓃᑦ, ᑕᑯᔅᓴᐅᑎᑦᑎᓂᖅ ᐊᓐᓄᕌᖃᖏᑐᖑᐊᓂᑦ ᐅᓪᓗᖅᓯᐅᑎᓂᑦ ᐊᓯᓂᓪᓕᓘᓐᓃᑦ ᐊᔾᔨᓐᖑᐊᓂ, ᐱᐅᖏᑦᑐᓂ ᓂᓪᓕᐊᔾᔪᑎᖃᕐᓂᖅ ᑐᓐᖓᓂᖃᖅᑐᑎᑦ ᐊᖑᑕᐅᓂᖓᓄᑦ ᐊᕐᓇᐅᓂᖓᓄᑦ, ᑯᔭᒍᒪᓂᕐᒥ ᑯᔭᓐᓂᕐᒨᖓᔪᓂᓪᓘᓐᓃᑦ ᐊᒻᒪ ᐊᖑᑕᐅᓂᕐᒧᑦ ᐊᕐᓇᐅᓂᕐᒧᑦ ᐅᖃᐅᓯᐅᔪᑦ ᐃᓄᒻᒧᑦ ᑎᒥᖓ ᖃᓄᐃᓕᖓᓂᖓᓄᑦ ᖃᓄᐃᓘᖃᑦᑕᕐᓂᖓᓄᓪᓘᓐᓃᑦ.
ᑖᓐᓇ ᐊᑐᐊᒐᖅ ᖃᓄᐃᓕᑎᑦᑎᓇᓱᐊᖏᑦᑐᖅ ᐃᓅᖃᑎᒌᓐᓂᐅᕙᑦᑐᓂᑦ ᐃᖅᑲᓇᐃᔭᖅᑎᓂᑦ.
4.9 ᓈᒻᒪᒋᔭᐅᔪᒧ ᐃᓄᒻᒧ ᖃᐅᔨᓴᕐᓂᖅ: ᑖᓐᓇ ᐊᑐᖅᑕᐅᔪᖅ ᖃᐅᔨᓴᖅᑐᓂ, ᐊᑐᓂ ᖃᓄᐃᓐᓂᓕᒫᖑᔪᓂᑦ ᐊᑐᖅᑕᐅᓂᖓ ᑕᕝᕙᓂ ᐊᑐᐊᒐᕐᒥ, ᐅᖃᐅᓯᐅᔪᑦ ᖃᓄᐃᓘᖅᑕᐅᔪᓪᓘᓐᓃᑦ ᐃᓚᐃᓈᓂᐅᑉᐸᑦ ᐅᕝᕙᓘᓐᓃᑦ ᐸᕝᕕᓴᐃᓂᖅ ᑕᕝᕙᓂ ᐊᑐᐊᒐᕐᒥ. ᐃᓱᒪᒋᔭᐅᔪᑦ ᓈᒻᒪᒐᓱᒋᔭᐅᔪᑦ ᐃᓄᒻᒧᑦ ᖃᓄᐃᓕᒋᐊᕐᓂᕆᒐᔭᖅᑕᖓ ᐊᑖᓂ ᐊᔾᔨᐸᓗᐊᓂᖃᓄᐃᓐᓂᐅᔪᓂᑦ ᐊᒻᒪ ᐊᔾᔨᐸᓗᐊᓂ ᐃᖅᑲᓇᐃᔭᕐᕕᐅᔪᒥ. ᑖᒃᑯᐊ ᐊᑐᖅᑕᐅᒋᐊᓖᑦ ᐊᑐᖅᑕᐅᔪᑦ ᖃᐅᔨᓴᐃᓪᓗᑎ ᓈᒻᒪᓴᖏᒍᑕᐅᔪᓂᑦ ᑕᕝᕙᓂ ᐊᑐᐊᒐᕐᒥ.
4.10 ᐃᖅᑲᓇᐃᔭᕐᕕᒃ: ᐃᖅᑲᓇᐃᔭᕐᕕᒃ ᐱᖃᓯᐅᔾᔨᔪᖅ ᓇᒦᓐᓂᓕᒫᖏᑦ ᐱᓕᕆᓂᐅᔪᑦ ᐊᒻᒪ ᐃᓅᖃᑎᒌᓐᓂᐅᔪᑦ ᖃᓄᐃᓘᖅᑕᐅᔪᑦ ᓄᓇᓕᐸᐅᔭᒥᑦ ᐱᓕᕆᐊᖑᓯᒪᔪᑦ. ᐃᖅᑲᓇᐃᔭᕐᕕᓐᓂ ᕕᓴᐃᓂᖅ ᐱᖃᓯᐅᔾᔨᔪᓐᓇᕐᒥᔪᖅ ᐃᖅᑲᓇᐃᔭᕐᕕᒥᐅᖏᑦᑐᖅ ᖃᓄᐃᓐᓂᐅᔪᑦ (ᓲᕐᓗ, ᓈᒻᒪᖏᑦᑐᒥ ᐅᖄᓚᖃᑦᑕᕐᓂᖅ, ᖃᕋᓴᐅᔭᒃᑯᑦ ᐳᓛᕆᐊᕐᓗᒍᓘᓐᓃᑦ ᐊᖏᕋᖓᓄ ᐃᖅᑲᓇᐃᔭᖅᑎᐅᔪᖅ, ᖃᓄᐃᓐᓂᐅᔪᑦ ᓂᕆᓐᓇᐅᑎᓪᓗᒍ, ᐃᖅᑲᓇᐃᔭᕐᓇᐅᔭᕇᖅᑎᓪᓗᒍ) ᐅᕝᕙᓘᓐᓃᑦ ᐸᕝᕕᓴᖅᑕᐅᓂᐅᔪᑦ ᐱᔨᑦᑎᖅᑕᓂᑦ.
5.0 ᒪᓕᑦᑕᐅᒋᐊᓖᑦ ᐊᒻᒪ ᐊᑐᐊᒐᐃᑦ
5.1 ᑲᒪᔩᑦ, ᐊᖏᔪᖅᑳᑦ ᐊᒻᒪ ᑐᑭᒧᐊᖅᑎᑦᑎᔩᑦ ᐃᒪᐃᓐᓂᐊᖅᑐᑦ:
 ᐃᑲᔪᖅᑐᐃᓗᓂ ᐃᑉᐱᒍᓱᑦᑎᐊᖅᑐᒥ ᐃᖅᑲᓇᐃᔭᕐᕕᒻᒥᑦ ᐊᑐᐊᒐᔅᓴᑦᑎᐊᕙᐅᓗᓂ ᓵᒻᒪᑦᑐᓂ ᐃᖅᑲᓇᐃᔭᕐᕕᓂᑦ ᖃᓄᐃᓘᕐᐅᔪᓂᑦ ᐊᒻᒪ ᖃᐅᔨᑎᓪᓗᒋᑦ ᐃᖅᑲᓇᐃᔭᖅᑏᑦ ᑖᔅᓱᒥᖓ ᐊᑐᐊᒐᕐᒥ ᐊᒻᒪ ᒪᓕᑦᑕᐅᔭᕆᐊᖃᖅᑐᓂᑦ;
 ᖃᓄᐃᓘᕐᓂᖃᑦᑎᐊᕐᓗᓂ ᓈᒻᒪᑦᑐᒥ ᕿᓚᒥᐅᔪᒥ, ᐃᓚᐃᓐᓈᖏᓪᓗᓂ ᐊᒻᒪ ᑲᓐᖑᓇᖅᑎᑦᑎᓗᓂ ᑭᓱᑐᐃᓐᓇᐃᑦ ᓵᖓᓅᕋᐃᒻᒪᑕ. ᐅᖃᐅᔾᔭᐅᒋᐊᕈᓐᓇᖅᑐᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ;
 ᐃᑲᔪᖅᓱᑕᐃᓐᓇᕆᓗᒋᑦ ᖃᓄᐃᓘᕋᓱᐊᖅᑕᐅᔪᑦ ᐋᖅᑭᒍᑕᐅᓂᐊᖅᑐᑦ ᐱᓕᕆᐊᖑᓂᐊᖅᑐᓪᓗ;
 ᐅᔾᔨᕆᑦᑎᐊᕐᓗᑎ ᑭᓇᑐᐃᓐᓇᖅ ᐊᑭᒋᐊᖅᑕᐅᖏᓪᓗᒥ ᓈᒻᒪᑦᑐᒥ ᓈᒻᒪᓴᖏᓐᓂᐸᖃᓚᐅᖅᑎᓪᓗᒍ ᑐᑭᓯᒋᐊᕈᑎᖃᖅᑎᑦᑎᓗᓂᓘᓐᓃᑦᒃ ᓈᒻᒪᓴᖏᓐᓂᐅᔪᒥᑦ.
5.2 ᐃᓄᓕᒫᑦ ᐱᖃᓯᐅᑎᓪᓗᑎ ᒪᐃᔭ, ᑲᑎᒪᔩᑦ, CAO, ᑐᑭᒧᐊᖅᑎᑦᑎᔩᑦ, ᑲᒪᔩᑦ, ᐊᖏᔪᖅᑳᑦ ᐃᒪᐃᑦᑕᕆᐊᓖᑦ:
 ᖃᐅᔨᒋᐊᕐᓗᒍ ᐋᖅᑭᒍᑎᐅᕙᓪᓕᐊᔪᑦ ᐃᒪᖓ 5 ᑕᕝᕙᓂ ᐊᑐᐊᒐᕐᒥ ᐱᓕᕆᐊᖃᖅᑎᓪᓗᒋᑦ ᐊᑲᐅᖏᓕᐅᕈᑎᓂᑦ ᓴᖅᑭᖅᑕᐅᔪᓄᑦ ᑕᕝᕙᓂ ᐊᑐᐊᒐᕐᒥ;
 ᑲᓐᖑᓇᖅᑎᑏᓐᓇᕆᐊᓕᒃ. ᓴᖅᑭᑎᑦᑎᓂᐊᖅᑐᑦ ᑐᑭᓯᒋᐊᕈᑎᓂᑦ ᑭᓯᐊᓂ ᖃᐅᔨᒪᔭᐅᔭᕆᐊᖃᖅᑐᓂᑦ ᐊᒻᒪ ᓇᓗᓇᐃᖅᓯᓪᓚᕆᒍᓐᓇᖏᑦᑐᖅ ᑭᓇᐅᓂᖓᓂ ᖃᐅᔨᒪᔭᐅᖏᓐᓂᖓ ᐅᕝᕙᓘᓐᓃᑦ ᑲᓐᖑᓇᖅᑎᑕᐅᓂᖓ (ᓲᕐᓗ, ᑐᓂᓯᔭᕆᐊᖃᑐᐃᓐᓇᕆᐊᓕ ᖃᐅᔨᔪᒥᓂᕐᒧᑦ).
5.3 ᓈᒻᒪᓴᖏᒍᑕᐅᔪᑦ ᐋᖅᑭᑦᑕᐅᕙᓪᓕᐊᓂᖏᑦ: ᖃᓄᐃᑦᑑᓂᖏᑦ ᒪᕐᕉᔫᒃ ᓈᒻᒪᓴᖏᒍᑕᐅᔪᓄᑦ ᐃᖅᑲᓇᐃᔭᖅᑏᑦ ᐊᑐᕈᓐᓇᖅᑕᖏᑦ ᐋᖅᑭᒍᑕᐅᔪᓐᓇᖅᑐᑦ:
5.3.1 ᐅᖃᐅᓯᒃᑯᑦ ᐋᖅᑭᒍᑏᑦ: ᐅᖃᐅᓯᒃᑯᑦ ᐋᖅᑭᒍᑎᑦ ᐊᑐᖅᑕᐅᒋᐊᓖᑦ ᐊᑐᖅᑕᐅᔪᑦ ᓈᒻᒪᓴᖏᑦᑐᖅ ᐃᓱᒪᒍᓂ ᓈᒻᒪᒋᔭᐅᖏᓐᓂᐅᔪᖅ ᐋᖅᑭᑦᑕᐅᔪᓐᓇᕐᓗᓂ ᐅᖃᖃᑎᒋᓗᒍ ᓈᒻᒪᓴᖏᑦᑐᖅ. ᐅᖃᐅᓯᒃᑯᑦ ᐋᖅᑭᒍᑏᑦ ᐊᑐᖅᑕᐅᒋᐊᓖᑦ ᐊᑕᐅᓯᕐᒥᑦ ᐊᑕᐅᓯᐅᓗᐊᖅᑐᒥᓪᓘᓐᓃᑦ ᐅᑯᓂᖓ ᖃᓄᐃᓐᓂᖃᖅᑐᑦ:
a) ᓈᒻᒪᑕᓴᖏᑦᑐᖅ ᐊᒻᒪ ᐸᑯᓴᐅᔪᖅ ᐃᖅᑲᓇᐃᔭᖃᑎᒌᓪᓗᑎ ᐋᖅᑭᓪᓗᒍ ᐊᑲᐅᖏᓕᐅᕈᑎᐅᔪᖅ;
b) ᑲᒪᓖᑦ, ᐊᐅᓚᑦᑎᔩᑦ ᐊᒻᒪ ᑐᑭᒧᐊᖅᑎᑦᑎᔩᑦ ᐊᒻᒪ/ᐅᕝᕙᓘᓐᓃᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐃᑲᔪᕈᓐᓇᖅᑐᑦ ᐋᖅᑭᑦᑕᐅᓗᑎ ᐊᑲᐅᖏᓕᐅᕈᑕᐅᔪᑦ ᓈᒻᒪᓴᖏᓐᓂᐸᖅᑐᒥ ᐊᒻᒪ ᐸᕕᓴᐃᔪᒥ;
c) ᓈᒻᒪᓴᖏᓐᓂᕋᖅᑐᖅ ᑲᒪᔨᖓ ᐱᓯᒪᑦᑎᓂᐊᖅᑐᖅ ᑎᑎᕋᖅᓯᒪᔪᓂᑦ ᓈᒻᒪᓴᖏᒋᐊᓐᖓᐅᑎᐅᓯᒪᔪᓂᑦ;
d) ᐋᖅᑭᑦᑕᐅᒍᓂ ᐋᖅᑭᑦᑕᐅᖏᒃᑲᓗᐊᕈᓂᓘᓐᓂᑦ ᐅᖃᐅᓯᒃᑯᑦ ᐋᖅᑭᑦᑕᐅᓂᖓᓄᑦ, ᑭᖑᓪᓕᖅᐹᒥ ᖃᓄᐃᓐᓂᖃᕈᓐᓇᖅᑐᖅ ᐱᖃᓯᐅᔾᔨᔪᓐᓇᖅᑐᓂ ᖃᓄᐃᓕᒋᐊᖅᑕᐅᓗᓂ.
5.3.1.1 ᓈᒻᒪᓴᖏᓐᓂᕋᖅᑐᖅ ᐅᖃᖃᑎᖃᕈᓐᓇᖅᑲ ᐸᕝᕕᓴᐃᔪᒥ ᓈᒻᒪᓴᖏᓐᓂᕋᖅᑐᖅ ᐃᑉᐱᒍᓱᒃᑯᓂ ᐸᕝᕕᓴᑦᑕᐅᓯᒪᓱᒋᓪᓗᓂ ᑕᕝᕙᓂ ᐊᑐᐊᒐᕐᒥ, ᓈᒻᒪᓴᖏᓐᓂᕋᖅᑐᖅ ᐅᖃᖃᑎᖃᖁᔭᐅᔪᖅ ᐃᓄᒻᒧᑦ ᖃᓄᐃᓘᕐᓂᖃᓚᐅᖅᑐᒧᑦ. ᐊᑐᖅᑕᐅᖁᔭᐅᔪᑦ ᓈᒻᒪᓴᖏᑦᑐᒧᑦ:
a) ᓇᓗᓇᐃᔭᕐᓗᒍ ᖃᓄᐃᓘᕐᓂᖓ ᓈᒻᒪᒐᓱᒋᖏᑕᖓ;
b) ᓇᓗᓇᐃᕐᓗᒋᑦ ᐃᑉᐱᓐᓂᐊᔭᖏᑦ ᐊᒻᒪ ᖃᓄᖅ ᖃᓄᐃᓘᕐᓂᐅᔪᖅ ᐊᑦᑐᐃᓂᖃᖅᓯᒪᒻᒪᖔᑦ;
c) ᓇᓗᓴᐃᕐᓗᒋᑦ ᓈᒻᒪᓴᖏᑦᑐᑦ ᑭᓱᓂᑦ ᐊᓯᔾᔩᖁᔨᒻᒪᖔᖅ;
d) ᖃᐅᔨᒪᔭᐅᔭᕿᐊᓖᑦ ᑎᑎᕋᖅᓯᒪᒧᑦ ᑐᑭᒧᐊᕈᑎᒋᓗᒋᑦ, ᐊᒻᒪ ᑎᑎᕋᖅᑕᐅᓗᑎ ᐋᖅᑭᒍᑎᐅᓂᐊᖅᑐᑦ.
5.3.1.2: ᐃᖅᑲᓇᐃᔭᖃᑎᖓ ᓈᒻᒪᓴᖏᓐᓂᕋᕈᓂ ᐊᓯᐊᓂ ᐃᓄᒻᒥ: ᐃᖅᑲᓇᐃᔭᖃᑎᖓ ᐃᑉᐱᒍᓱᒃᑯᓂ ᐊᓯᐊᓂᑦ ᓈᒻᒪᖏᑦᑐᒥ ᖃᓄᐃᓘᖅᓯᒪᔭᖅᑐᖃᕐᓂᖓᓄᑦ, ᐃᒪᐃᖁᔭᐃᔪᑦ ᑖᓐᓇ ᐃᓅᔪᖅ:
a) ᓈᓚᑦᑎᐊᕐᓗᒍ;
b) ᐊᖏᕐᓗᒋᑦ ᖃᓄᐃᓘᕐᓂᕆᓯᒪᔭᖏᑦ ᖃᓄᐃᓕᒋᐊᕐᓂᖓᓄᑦ ᐊᒻᒪ ᐊᓯᖏᓐᓄᑦ ᐊᑦᑐᐃᓂᖃᕈᓐᓇᕐᓂᖏᓐᓄᑦ;
c) ᓇᓗᓇᐃᖅᓯᓗᑎ ᐊᔾᔨᒋᖏᑕᖓᓂ ᖃᓄᐃᓘᕐᓂᐊᕐᒪᖔᖅᐱᑦ ᓯᕗᓂᔅᓴᒥ.
5.3.1.3 ᖃᓄᐃᓕᓂᐊᖅᑲᑦ ᓈᒻᒪᓴᖏᑦᑐᖅ ᐋᖅᑭᑦᑕᐅᖏᒃᑯᓂ ᐅᖃᖃᑎᖃᓂᒃᑯᑦ ᐸᕝᕕᓴᐃᔪᒥᑦ, ᐅᕝᕙᓘᓐᓃᑦ ᐊᑲᐅᖏᓐᓂᖓ ᐱᓕᕆᐊᕆᓗᒍ ᐸᕝᕕᓴᐃᔪᖅ ᑕᕝᕗᖓᑦᑕᐅᑎᒋ: ᐃᒪᖏᓐᓂ ᖃᓄᐃᓐᓂᐅᔪᓂᑦ, ᐊᔪᕐᓇᑐᐃᓐᓇᕿᐊᓕ ᐅᖃᖃᑎᒋᓗᒍ ᑕᕝᕗᖓᑦᑕᐅᑎᒋ ᓵᒻᒪᓴᖏᑦᑐᒧᑦ, ᐆᑦᑑᑎᒋᓗᒍ, ᐃᒪᐃᓕᖓᒍᓐᓇᖅᑐᖅ ᐸᕕᓴᐃᔪᖅ ᓈᒻᒪᓴᖏᑦᕝᑦᑑᑉ ᑲᒪᔨᒋᓪᓗᓂᐅᒃ ᐅᕝᕙᓘᓐᓃᑦ ᐸᕕᓴᐃᓂᐅᔪᖅ ᐃᓄᒻᒥᑦ ᓵᖓᓅᕈᓐᓇᐃᓪᓗᓂ ᐸᕕᓴᐃᔪᒧᑦ. ᐃᓅᔪᖅ
ᑕᕝᕗᖓᑦᑕᑲᐅᑎᒋᔪᒨᕈᒪᖏᑉᐸᒍ ᐃᓄᒻᒧᑦ ᐱᓕᕆᐊᓕᒧ, ᐅᖃᖃᑎᒋᒐᓱᔅᓯᒪᒐᓗᐊᖅᑐᓂᐅᓪᓗ ᑭᓯᐊᓂ ᐋᖅᑭᒍᓐᓇᖅᓯᒪᖏᑦᑐᖅ ᐊᑲᐅᖏᓕᐅᕈᑎᐅᔪᖅ ᐃᓅᔪᖅ ᐅᖃᖃᑎᖃᕆᐊᓕᒃ ᑲᒪᔨᖓᓂ.
5.3.2 ᑎᑎᕋᖅᓯᒪᓂᒃᑯᑦ ᐋᖅᑭᒍᑏᑦ: ᑎᑎᕋᖅᓯᒪᓂᒃᑯᑦ ᐋᖅᑭᒍᑏᑦ ᐊᑐᖅᑕᐅᔭᕆᐊᓖᑦ ᐱᖃᓯᐅᔾᔨᔪᑦ:
a) ᖁᑦᑎᓂᖅᓴᒥ ᐊᖏᔪᖅᑳᖑᔪᖅ ᐃᓱᒪᓕᐅᓂᐊᖅᑐᖅ ᖃᓄᐃᓕᒋᐊᖅᑕᐅᓂᖓᓄᑦ ᖃᓄᐃᓐᓂᕆᔭᖏᓐᓂᑦ ᖃᐅᔨᓴᕐᓂᐅᔪᓂᑦ;
b) ᐊᒥᓲᓂᖅᑕᐃᑦ ᐃᓄᐃᑦ ᐃᓚᐅᔪᑦ ᐊᒻᒪ ᑲᓐᖑᓇᖅᑎᑦᑎᓇᖏᓂᖅᓴᐅᔪᖅ;
c) ᐊᑕᐅᓯᖅ ᐊᑕᐅᓯᐅᓗᐊᖅᑐᓘᓐᓃᑦ ᑎᒥᐅᔪᑦ ᐃᓚᐅᖃᑕᐅᓕᖅᑐᑎᑦ.
5.3.2.1 ᑎᑎᕋᖅᓯᒪᓂᒃᑯᑦ ᓈᒻᒪᓴᖏᓐᓂᖅ: ᑎᑎᕋᖅᓯᒪᓂᒃᑯᑦ ᓈᒻᒪᓴᖏᓐᓂᖃᓂᐊᕈᑯᑦ, ᑎᑎᕋᖅᓯᒋᐊᖃᖅᑐᑎᑦ ᓈᒻᒪᓴᖏᓐᓂᕐᒧᑦ ᑕᑕᑎᕆᐊᓕᒃ (ᐱᖃᓯᐅᑎᓯᒪᔪᖅ). ᐸᕕᓴᑦᑕᐅᓂᕐᒧᑦ ᓈᒻᒪᓴᖏᑦᑐᖅ ᐱᖃᓯᐅᔾᔨᔭᕆᐊᓕᒃ ᓇᓗᓇᐃᔭᖅᓯᒪᑦᑎᐊᖅᑐᓂᑦ ᓈᒻᒪᓴᖏᑦᑐᒧᑦ ᐸᓯᔅᓯᓂᖓᓄᑦ, ᐊᒻᒪ ᓈᒻᒪᓴᖏᑦᑐᖅ ᐊᑎᓕᐅᕆᐊᓕᒃ ᑕᑕᑎᕆᐊᓕᒻᒥᑦ.
5.3.2.3 ᑎᑎᕋᖅᓯᒪᓂᖏᒃᑯᑦ ᓈᒻᒪᓴᖏᓐᓂᐅᔪᑦ ᑐᓂᔭᐅᔪᑦ ᐃᖅᑲᖃᓴᐃᔭᖅᑐᓕᕆᔨᒃᑯᓐᓄᑦ: ᐸᕕᓴᑦᑕᐅᓂᕐᒧᑦ ᓈᒻᒪᓴᖏᓐᓂᕐᒧᑦ ᑕᑕᑎᕆᐊᓕ ᑐᓂᔭᐅᔭᕆᐊᓕ ᑐᑭᒧᐊᖅᑎᑦᑎᔨᖓᓄᑦ ᐃᖅᑲᓇᐃᔭᖅᑐᓕᕆᔨᒃᑯᑦ. ᓈᒻᒪᓴᖏᓐᓂᐅᔪᖅ ᓴᓇᔭᐅᒍᓂ ᐅᕝᕙᓘᓐᓃᑦ ᐊᑦᑐᐊᓂᖃᕈᓂ CAO−ᒧ, ᑐᓂᔭᐅᔭᕆᐊᓕᒃ ᒪᐃᔭᒧᑦ.
5.4.6 ᑕᖅᑭᕐᒥ ᐊᑯᓂᐅᓂᖃᖅᑎᑕᐅᔪᑦ ᓈᒻᒪᓴᖏᒍᑎᓕᒫᓄᑦ (ᐅᖃᐅᓯᒃᑯᑦ / ᑎᑎᕋᖅᓯᒪᓂᒃᑯᑦ): ᓈᒻᒪᓴᖏᒍᑎᓕᒫᖑᔪᑦ ᑐᓂᔭᐅᔭᕆᐊᓖᑦ ᐃᓗᐊᓂ ᐊᕐᕕᓂᓕᓐᓂᑦ ᑕᖅᑭᓂᑦ ᐅᓪᓗᖓᓂ ᖃᓄᐃᓐᓂᐅᓚᐅᖅᑐᒥᑦ. ᑕᖅᑭᖅ ᐊᕐᕕᓂᓖᑦ ᖄᖏᖅᓯᒪᓂᖅᑲᑕ, ᐃᓱᒪᑦᖅᓲᑕᐅᔪᖅ CAO−ᒧᑦ ᖃᐅᔨᓴᕐᓂᐊᕐᒪᖔᑦ
ᓈᒻᒪᓴᖏᒍᑕᐅᔪᒥᑦ ᑎᑎᕋᖅᑕᐅᓂᖏᒃᑯᓂ ᐃᓗᐊᓂ ᐊᕐᕕᓂᓕᓐᓂᑦ ᑕᖅᑭᓂᑦ ᖃᓄᐃᓐᒻᓂᐅᓯᒪᔪᒥᑦ ᓈᒻᒪᓴᖏᒋᐊᑕᐅᓯᒪᔪᒧᑦ.
6.0 ᐸᕕᓴᑦᑕᐅᑦᑕᐃᓕᓂᕐᒧᑦ ᐊᒻᒪ ᐃᓚᐃᓐᓈᖅᑕᐅᑦᑕᐃᓕᓂᕐᒧᑦ ᐃᓕᓐᓂᐊᑎᑦᑎᒍᑎᔅᓴᐃᑦ
ᓄᓇᓕᐸᐅᔭᒃᑯᑦ ᑲᔪᖏᖅᓯᒪᔪᑦ ᐱᓕᒻᒪᔅᓴᐃᓗᑎ ᐊᒻᒪ ᐃᓕᓐᓂᐊᑎᑦᑎᓗᑎ ᑖᒃᑯᐊ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᓕᒫᖏᑦ ᖃᐅᔨᒪᓂᖃᕐᓗᑎ ᐱᔪᓐᓇᐅᑎᖏᓐᓂᑦ ᐊᒻᒪ ᑲᒪᒋᔭᕆᐊᖃᖅᑕᖏᓐᓂᑦ ᑕᕝᕙᓂ ᐊᑐᐊᒐᑉᒥᑦ. ᐃᖅᑲᓇᐃᔭᖅᑎᓕᒫᑦ ᖃᐅᔨᒪᓂᖃᓕᕐᓂᐊᖅᑐᒋᔭᐅᔪᑦ ᑖᔅᓱᒥᖓ ᐊᑐᐊᒐᕐᒥᑦ.

Contact Name: 
ROBYN MACKEY, DIRECTOR OF HUMAN RESOURCES