2017-41 ᐃᓛᓐᓃᓇᒃᑯᑦ ᒪᒃᑯᑦᑐᓄᑦ ᓯᕗᓕᖅᑎᑦᓴᑦ

ᐃᖅᑲᓇᐃᔭᕐᕕᑦ: 
Expiry Date: 
Sunday, October 15, 2017

ᒪᒃᑯᑦᑐᒃᑯᕕᒻᒥ
ᐃᓛᓐᓃᓇᒃᑯᑦ ᒪᒃᑯᑦᑐᓄᑦ ᓯᕗᓕᖅᑎᑦᓴᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐱᓐᖑᐊᖅᑐᓕᕆᔨᒃᑯᖏᑦ ᐃᖅᑲᓇᐃᔭᖅᑎᑦᓴᕐᓂᐊᓕᕐᒥᔪᑦ ᐃᖅᑲᓇᐃᔭᕈᒪᑦᓯᐊᖅᑐᓂᑦ ᐃᕿᐊᑦᑕᐅᖏᑦᑐᓂᑦ ᒪᒃᑯᑦᑐᓄᑦ ᓯᕗᓕᖅᑎᑦᓴᓂᑦ ᒪᒃᑯᑦᑐᓂᑦ ᐱᓕᕆᖃᑎᖃᖃᑦᑕᕋᔭᖅᑐᓂᑦ ᐱᒋᐊᖅᑎᑦᓯᖃᑕᐅᕙᓪᓗᑎᒃ ᐱᓐᖑᐊᖅᑐᓕᕆᓂᕐᒧᑦ ᐱᓕᕆᐊᑦᓴᓂᑦ ᒪᒃᑯᑦᑐᒃᑯᕕᒻᒥ.  ᐱᓕᕆᔨᑦᓯᐊᕙᐅᒍᕕᑦ ᐊᔪᕆᑕᐅᔪᒪᔪᓐᓇᕐᓗᑎᑦ, ᐱᓐᖑᐊᕈᑎᓂᑦ ᐃᓕᓴᐃᔪᓐᓇᕐᓗᑎᑦ ᖃᓄᑐᐃᓐᓇᖅ ᐊᒻᒪᓗ ᐊᐅᓚᔾᔭᐃᒋᐊᖅᑎᑦᓯᔨᐅᒍᕕᑦ ᓯᕗᓕᖅᑎᐅᓗᑎᑦ ᐃᒪᐃᓕᐅᕆᐊᓖᕈᓐᓇᕐᓗᑎᑦ, ᐃᓕᓐᓂᑦ ᕿᓂᖅᐳᒍᑦ!  ᒪᒃᑯᑦᑐᓂᑦ ᐱᓕᕆᖃᑎᖃᖅᐸᓂᐊᖅᑐᑎᑦ, ᐱᒋᐊᖅᑎᑦᓯᖃᑕᐅᕙᓪᓗᑎᑦ ᐊᔾᔨᒌᓐᖏᑦᑐᓂᑦ ᐱᓕᕆᐊᑦᓴᓂᑦ, ᖃᓄᐃᓕᐅᕈᑎᑦᓴᓂᑦ ᐊᒻᒪᓗ ᐊᑐᖅᑕᐅᓗᐊᖅᐸᖏᑦᑐᓂᑦ ᖃᓄᐃᓕᐅᕈᑎᓕᐅᖃᑕᐅᕙᓪᓗᑎᑦ ᒪᒃᑯᑦᑐᓂᑦ ᐃᓚᒋᔭᐅᑎᑦᓯᓇᓱᐊᖅᐸᓪᓗᑎᑦ.  

ᐱᔭᑦᓴᑦ ᐊᒻᒪᓗ ᐃᑉᐱᒋᔭᕆᐊᓕᑦ:

  • ᐅᓐᓄᒃᑯᑦ ᐊᒻᒪᓗ ᐱᓇᓱᐊᕈᓯᑦ ᓄᓐᖑᖏᓐᓂ ᐃᖅᑲᓇᐃᔭᕈᓐᓇᕆᐊᓕᒃ.
  • ᐃᑲᔪᖅᐸᓐᓂᖅ ᓴᓇᕙᓪᓕᐊᓂᒃᑯᑦ ᐊᒻᒪᓗ ᐱᒋᐊᖅᑎᑦᓯᖃᑕᐅᓂᒃᑯᑦ ᐱᓐᖑᐊᕈᑎᓂᑦ ᐱᓕᕆᐊᑦᓴᓂᑦ ᒪᒃᑯᑦᑐᒃᑯᕕᒻᒥ ᐊᒻᒪᓗ ᓄᓇᓕᓐᓂ.
  • ᒪᒃᑯᑦᑐᓂᑦ ᐱᓕᕆᖃᑎᖃᖅᐸᓐᓂᖅ ᐱᕙᓪᓕᐊᑎᑦᓯᓂᒃᑯᑦ ᐃᓅᖃᑎᖃᕈᓐᓇᓂᕐᓂᑦ ᐱᓕᕆᐊᑦᓴᒃᑯᑦ ᐊᒻᒪᓗ ᖃᓄᐃᓕᐅᕈᑎᒃᑯᑦ.
  • ᒪᒃᑯᑦᑐᒃᑯᕕᒻᒥ ᐃᓚᖃᖅᐸᓐᓂᖅ ᒪᒃᑯᑦᑐᓂᑦ ᐊᒻᒪᓗ ᖃᐅᔨᓴᖅᐸᓐᓂᖅ ᐱᓐᖑᐊᕐᕕᑦ ᐊᒻᒪᓗ ᓱᓇᒃᑯᑖᖏᑦ ᐊᑐᖅᑕᐅᑦᓯᐊᐸᒃᑲᓗᐊᕐᒪᖔᑕ ᐊᒻᒪᓗ ᑲᒪᒋᔭᐅᑦᓯᐊᖃᑦᑕᕐᓗᑎᒃ.
  • ᐃᑲᔪᖅᐸᓐᓂᖅ ᒪᒃᑯᑦᑐᓂᑦ ᐊᒻᒪᓗ ᐅᖃᖃᑎᖃᓚᐅᖅᐸᓪᓗᓂ ᒪᒃᑯᑦᑐᓂᑦ ᑕᐃᒪᐃᒋᐊᖃᕋᐃᒍᓂ
  • ᓴᖅᑭᔮᖅᑎᑦᓯᓇᓱᐊᖃᑕᐅᕙᓐᓂᖅ ᐊᑐᖅᐸᖏᓐᓂᒃᑯᑦ ᐊᑦᑕᓇᓐᖏᑦᑐᒥᑦ, ᐱᑕᖃᓐᖏᑦᑐᒥᑦ ᐋᖓᔮᕐᓇᖅᑐᓂᑦ ᐊᒻᒪᓗ ᐃᒥᐊᓗᓐᓂᑦ.

ᑎᒍᒥᐊᖁᔭᐅᔪᑦ ᐃᓕᓐᓂᐊᕈᑎᒍᑦ, ᐱᓕᕆᔪᓐᓇᓂᒃᑯᑦ ᐊᒻᒪᓗ ᖃᐅᔨᒪᓂᒃᑯᑦ:

  • ᒪᒃᑯᑦᑐᓂᑦ ᐱᓕᕆᐊᖃᓚᐅᕐᓯᒪᓂᖅ ᐱᓐᖑᐊᖅᑐᓕᕆᓂᒃᑯᑦ (ᐃᓕᓐᓂᐊᕇᕋᐃᒻᒪᑕ ᐱᓕᕆᐊᑦᓴᓕᕆᓂᖅ, ᑭᐱᓐᖑᐃᔭᕐᕕᓕᕆᓂᖅ, ᐃᓕᓴᐃᓂᖅ ᐱᓐᖑᐊᕈᑎᓂᑦ) ᐊᑐᖅᓯᒪᔭᕆᐊᓕᒻᒪᕆᒃ.
  • ᐱᓐᖑᐊᖅᑐᓕᕆᓂᒃᑯᑦ ᐃᓕᓐᓂᐊᕈᑎᒃᑯᑦ ᖃᐅᔨᒪᔭᐅᑦᓯᐊᖅᑐᒥᑦ ᐱᔭᕇᕈᑎᖃᕐᓗᓂ.
  • ᑐᓴᐅᒪᖃᑎᖃᕈᓐᓇᑦᓯᐊᕐᓗᓂ ᐊᓯᒥᓂᒃ.
  • ᐋᓐᓂᖅᑐᓂᑦ ᐊᓂᖅᑎᕆᔪᓐᓇᐃᓪᓕᔪᓂᓪᓗ ᐃᑲᔪᕈᓐᓇᓂᒃᑯᑦ ᐃᓕᓐᓂᐊᕈᑎᖃᕐᓗᓂ.
  • ᐃᓄᑦᑎᑐᑦ ᐅᖃᕈᓐᓇᕐᓂᖅ ᐊᑐᖅᑐᒻᒪᕆᐅᓂᐊᖅᑐᖅ ᐃᖅᑲᓇᐃᔮᖅᑖᕋᓱᓐᓂᒃᑯᑦ.

ᐱᔾᔪᑎᒋᓪᓗᒍ ᓱᓇᐅᓂᖓ ᐃᖅᑲᓇᐃᔮᑦᓴᐅᑉ, ᐃᖅᑲᓇᐃᔮᖅᑖᖅᑐᖅ ᐱᕋᔭᓚᐅᕐᓯᒪᓐᖏᒋᐊᓕᒃ ᐊᒻᒪᓗ ᖃᐅᔨᓴᖅᑕᐅᓗᓂ ᐳᕙᓪᓘᑎᖃᓐᖏᒃᑲᓗᐊᕐᒪᖔᖅ.

ᐃᑲᕐᕋᑦᓯᐅᑎᖓ ᐃᖅᑲᓇᐃᔮᑦᓴᐅᑉ $28.00 ᐊᒻᒪᓗ ᓄᓇᓕᕐᒥᐅᑕᐃᓂᕐᒧᑦ ᐃᑲᔫᓯᐊᓂᑦ ᐱᕕᓴᖃᕈᓂ.

ᐃᖅᑲᓇᐃᔮᖅᑖᕋᓱᐊᕈᑎᕕᑦ ᐅᓂᒃᑳᖏᑦ ᑐᓂᔭᕆᐊᓕᑦᑎᑦ ᐅᑯᓄᖓ

ᓈᓴᐅᑎᒃᑯᑦ ᓇᓗᓇᐃᒃᑯᑕᖓ 2017-41
ᐃᖅᑲᓇᐃᔭᖅᑎᓕᕆᔨᑦ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ  X0A 0H0                                                     
ᓱᑲᑦᑐᒃᑰᕈᑎᖓ: (867) 979-5210
hr@city.iqlauit.nu.ca
                      

ᖃᐅᔨᒃᑲᓂᐊᖅᑕᕗᑦ ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᓄᓇᓕᐸᐅᔭᒃᑯᓐᓂᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᕈᓐᓇᖅᑐᑦ ᐊᑐᕈᒪᒍᑎᒃ ᐊᑐᐊᒐᖓᑦ ᐃᖅᑲᓇᐃᔭᖅᑎᐅᓯᓐᓇᖅᑐᓂᑦ ᐃᖅᑲᓇᐃᔭᖅᑎᑖᕈᓐᓇᕐᓂᖅ.

ᒪᓕᑦᑐᒋᑦ ᓈᓴᐅᑎᖃᖅᑐᑦ 23-ᒥᑦ ᓄᓇᕗᑦᒥ ᓄᓇᑖᕈᑎᐅᓚᐅᖅᑐᖅ ᐊᖏᕈᑎ, ᓯᕗᓪᓕᐅᔾᔭᐅᔪᓐᓇᖅᑐᑦ ᓄᓇᕗᑦᒥ ᓄᓇᖃᖅᑳᖃᑕᐅᓯᒪᔪᑦ ᒪᓕᑦᑐᑦ ᒪᓕᒐᕐᓂᑦ.

Active: 
yes
Files: