ᑲᑎᒪᔩᑦ ᑲᑎᒪᑎᓪᓗᒋᑦ ᑐᓴᕐᓴᐅᖃᑦᑕᕐᓂᐊᖅᑐᑦ ᐅᐃᕖᑦ ᓈᓚᐅᑎᖃᕐᕕᖏᒍᑦ ᓇᓗᓇᐃᒃᑯᑎᖓ (AFN/CFRT) 107.3 FM

13/09/2017

ᑲᑎᒪᔩᑦ ᑲᑎᒪᑎᓪᓗᒋᑦ ᑐᓴᕐᓴᐅᖃᑦᑕᕐᓂᐊᖅᑐᑦ ᐅᐃᕖᑦ ᓈᓚᐅᑎᖃᕐᕕᖏᒍᑦ ᓇᓗᓇᐃᒃᑯᑎᖓ (AFN/CFRT) 107.3 FM

ᓰᑏᐱᕆ 13, 2017 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᑦᑐᑎᒃ ᑐᓴᖅᑎᑦᓯᔪᒪᓕᕐᒥᔪᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ ᓂᐱᓕᐅᖅᑕᐅᓗᑎᒃ ᑐᓴᕐᓴᐅᖃᑦᑕᕐᓛᓕᕐᒪᑕ ᐃᓄᑦᑎᑐᑦ ᐊᒻᒪ ᖃᓪᓗᓈᑎᑐᑦ ᐱᒋᐊᓛᖅᑐᑎᒃ ᓰᑏᐱᕆ 26. ᐅᖃᖃᑎᖃᖅᐸᑦᑐᑎᒃ ᐅᐃᕖᒃᑯᑦ ᑲᑐᔾᔨᖃᑎᒌᖏᓐᓂᑦ ᓄᓇᕘᒥ, ᓄᓇᓕᐸᐅᔭᒃᑯᑦ ᐊᖏᕈᑎᓕᐅᓕᓚᐅᖅᑐᑦ ᑲᑎᒪᔩᑦ ᑲᑎᒪᑎᓪᓗᒋᑦ ᒪᕐᕈᐊᑎᕐᓗᑎᒃ ᑐᓴᕐᓴᐅᖃᑦᑕᖁᓪᓗᒋᑦ - ᐊᑕᐅᓯᐊᕐᓗᑎᒃ ᐃᓄᑦᑎᑐᑦ ᐊᒻᒪ ᐊᑕᐅᓯᐊᕐᓗᑎᒃ ᖃᓪᓗᓈᑎᑑᖅᐸᓪᓗᑎᒃ - ᐅᐃᕖᑦ ᓈᓚᐅᑎᖃᕐᕕᖏᑎᒍᑦ, ᓇᓗᓇᐃᒃᑯᑎᖓ CFRT 107.3 FM. ᑕᖅᑭᑕᒫᑦ, ᐃᓄᑦᑎᑑᖅᑎᓪᓗᒋᑦ ᑲᑎᒪᔩᑦ ᑲᑎᒪᑎᓪᓗᒋᑦ ᑐᓴᕐᓴᐅᖃᑦᑕᓛᖅᑐᑦ 1:30-ᒐᐃᑉᐸᑦ ᐅᓐᓄᓴᒃᑯᑦ ᑎᓴᒻᒥᕐᓂ ᑲᑎᒪᓚᐅᖅᑎᓪᓗᒋᑦ ᓇᒡᒋᔾᔭᐅᓕᖅᑭᕐᒥ. ᖃᓪᓗᓈᑎᑑᖃᑦᑕᕐᓗᑎᒃ ᐅᓐᓄᒃᑯᑦ ᑐᓪᓕᐊᓂ ᑎᓴᒻᒥᕐᓂ ᑕᖅᑭᕐᓂ ᑲᑎᒪᓚᐅᖅᑎᓪᓗᒋᑦ. ᓇᓚᐅᑎᒃᑰᖃᑦᑕᓛᖅᑐᑦ ᓰᑏᐱᕆᒥ ᐊᒻᒪ ᐋᑦᑑᐸᒥ ᐅᑯᓇᓂ ᐅᓪᓗᕐᓂ: - (ᓇᒡᒋᔾᔭᐅᓕᖅᑭᖅ, ᓰᑏᐱᕆ 26 - ᑲᑎᒪᔩᑦ ᑲᑎᒪᓂᖓᑦ - ᑐᓴᕐᓴᐅᖏᑦᑐᖅ) - ᑎᓴᒻᒥᖅ, ᓰᑏᐱᕆ 28 – 1:30 ᐅᓐᓄᓴᒃᑯᑦ, ᐃᓄᑦᑎᑐᑦ ᑐᓴᕐᓴᑦ - ᑎᓴᒻᒥᖅ, ᐋᑦᑑᐸ 5 – 7-ᒥ ᐅᓐᓄᒃᑯᑦ, ᖃᓪᓗᓈᑎᑐᑦ - (ᓇᒡᒋᔾᔭᐅᓕᖅᑭᖅ, ᐋᑦᑑᐸ 10 - ᑲᑎᒪᔩᑦ ᑲᑎᒪᓂᖓᑦ - ᑐᓴᕐᓴᐅᖏᑦᑐᖅ) - ᑎᓴᒻᒥᖅ, ᐋᑦᑑᐸ 12 – 1:30 ᐅᓐᓄᓴᒃᑯᑦ, ᐃᓄᑦᑎᑐᑦ ᑐᓴᕐᓴᑦ - ᑎᓴᒻᒥᖅ, ᐋᑦᑑᐸ 19 – 7-ᒥ ᐅᓐᓄᒃᑯᑦ, ᖃᓪᓗᓈᑎᑐᑦ - (ᓇᒡᒋᔾᔭᐅᓕᖅᑭᖅ, ᐋᑦᑑᐸ 24 - ᑲᑎᒪᔩᑦ ᑲᑎᒪᓂᖓᑦ - ᑐᓴᕐᓴᐅᖏᑦᑐᖅ) - ᑎᓴᒻᒥᖅ, ᐋᑦᑑᐸ 26 – 1:30 ᐅᓐᓄᓴᒃᑯᑦ, ᐃᓄᑦᑎᑐᑦ ᑐᓴᕐᓴᑦ ᒫᓐᓇᓕ, ᐱᔾᔪᑎᒋᓪᓗᒋᑦ ᐱᓕᕆᔾᔪᑏᑦ ᐱᑐᐃᓐᓇᐅᖏᔾᔪᑎᖏᑦ, ᓄᓇᓕᐸᐅᔭᒃᑯᑦ ᐅᐃᕖᑎᑑᖓᔪᓂᑦ ᐱᔨᑦᓯᕋᕈᑎᖃᖕᖏᒻᒪᑕ. ᓂᐱᓕᐅᕐᓯᒪᕙᓐᓂᐊᖅᑐᑦ, ᐊᒻᒪᑦᑕᐅᖅ ᐅᓪᓗᕐᓯᐅᑎᖏᑦ ᑐᓴᕐᓴᐅᕕᐅᖃᑦᑕᓂᐊᖅᑐᑦ, ᓴᖅᑭᔮᖅᑎᑕᐅᖃᑦᑕᓂᐊᖅᑐᑦ ᐅᐃᕖᒃᑯᑦ ᓈᓚᐅᑎᖃᕐᕕᖏᑕ ᐃᑭᐊᖅᑭᕕᖏᓐᓂ ᐅᕙᓂ, www.cfrt.ca , ᐊᒻᒪᑦᑕᐅᖅ ᓇᓗᓇᐃᖅᑕᐅᓯᒪᕙᓪᓗᑎᒃ ᓄᓇᓕᐸᐅᔭᒃᑯᑦ ᐃᑭᐊᖅᑭᕕᖏᓐᓂᑦ ᐅᕙᓂ http://www.city.iqaluit.nu.ca.