ᓯᑎᒃᑯᑦ ᕿᓂᖅᑐᑦ ᑲᑎᒪᔨᕋᓛᖑᖃᑕᐅᔪᒪᔪᓂᑦ ᑲᑎᒪᔨᕋᓛᖏᓐᓂ

08/09/2017

ᓯᑎᒃᑯᑦ ᕿᓂᖅᑐᑦ ᑲᑎᒪᔨᕋᓛᖑᖃᑕᐅᔪᒪᔪᓂᑦ ᑲᑎᒪᔨᕋᓛᖏᓐᓂ
ᓰᑏᐱᕆ 8 - ᐃᖃᓗᐃᑦ ᓄᓇᓕᐸᐅᔭᖓᑦ ᓄᓇᓕᖕᓂᖔᖅᑐᓂᒃ ᕿᓂᕐᒪᑕ ᑲᑎᒪᔨᐅᔪᒪᒐᔭᖅᑐᓂᒃ ᑕᖅᑳᙶᖅᓯᒪᔪᓂᑦ ᑲᑎᒪᔨᐅᕕᕋᓛᓃᖃᑕᐅᒐᔭᖅᑐᓂᑦ:
 ᓂᒃᓰᑦ (ᐃᓂ ᐊᑕᐅᓯᖅ)
 ᐱᙳᐊᖅᑐᓕᕆᔨᒃᑯᑦ (ᐃᓂ ᐊᑕᐅᓯᖅ)
 ᐊᑦᑕᕐᓇᐃᔭᖅᓯᒪᓂᖅ ᐃᓄᓕᒫᓂᒃ (ᐃᓂ ᐊᑕᐅᓯᖅ)
 ᐱᕙᓪᓕᐊᔪᓕᕆᓂᖅ (ᐃᓂ ᐊᑕᐅᓯᖅ)
 ᑎᒥᒥᒍᑦ ᐊᔪᕈᑎᓕᖕᓄᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑦ (ᐃᓂᓖᒃ ᒪᕐᕉᒃ)
 ᓄᑖᕈᕆᐊᕆᔩᑦ ᕿᒥᕐᕈᔨᖏᑦ (ᐃᓂ ᐊᑕᐅᓯᖅ)
ᐊᑕᐅᓯᐅᖏᑦᑐᒧᑦ ᑲᑎᒪᔨᐅᕕᒋᔪᒪᔭᕐᓄᑦ ᐱᓇᓱᒍᓐᓇᖅᑐᑎᑦ. ᑲᑎᒪᔨᕋᓛᓃᑦᑐᒪᔪᑦ ᐊᑭᓕᒃᓴᖃᓗᐊᕆᐊᖃᖏᓚᑦ ᐃᖃᓗᐃᑦ ᓄᓇᓕᐸᐅᔭᖓᓐᓄᑦ ($500.00 ᐅᖓᑖᓂᐅᖏᑦᑐᖅ). ᑲᑎᒪᔾᔪᓯᐊᖃᑦᑕᕋᔭᖅᑐᑦ $100.00 ᑮᓇᐅᔭᒃᑯᕕᒃᑎᒍᑦ ᐴᖅᓯᕕᐅᑦᑕᐅᑎᒋᔭᕐᓗᑎᒃ ᑲᑎᒪᖃᑕᐅᓂᖅᑕᒫᑦ. ᑲᑎᒪᔨᕋᓛᓃᖃᑕᐅᔪᒪᒍᕕᑦ ᐱᓇᓱᒡᕕᖓ ᐃᓱᓕᕝᕕᖃᖅᑐᖅ ᓯᑎᐱᕆ 15, 2017; ᐱᓇᓱᒍᑏᑦ ᐊᐅᔭᐅᖃᑦᑕᕈᓐᓇᖅᑐᑦ ᓄᓇᓕᐸᐅᔭᐅᒃᑯᑦ ᐊᒡᓚᕝᕕᖓᓐᓂ. ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐱᓕᕆᓯᒪᔭᑎᓪᓗ ᐃᓕᓐᓂᐊᖅᓯᒪᓂᑎᓪᓗ ᐃᓚᓕᐅᑎᓯᒪᔭᕆᐊᖃᕋᔭᖅᑐᑦ ᐱᓇᓱᒍᑎᖕᓄᑦ.
20`15−ᖑᑎᓪᓗᒍ ᑲᑎᒪᔨᕋᓛᖑᔪᒪᔪᓂᒃ ᕿᓂᖅᑎᓪᓗᑕ ᑭᐅᓐᓂᕈᕕᑦ ᑕᐃᔅᓱᒪᓂ, ᐱᓇᓱᒍᑎᒋᓚᐅᖅᑕᑦ ᐃᓚᓕᐅᑎᔭᐅᑐᐃᓐᓇᕐᓂᐊᕐᒪᑦ ᑐᓂᒃᑲᓐᓂᕆᐊᑐᖏᑕᐃᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐊᒻᒪᓘᓐᓃᑦ ᐱᓇᓱᒍᑎᓄᑦ ᖃᕋᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᑦ ᐱᖔᕈᒪᓐᓂᕈᕕᑦ ᓄᓇᓕᐸᐅᔭᒃᑯᑦ ᐊᒡᓚᑦᑎᖓ ᐅᖄᓚᕕᒋᒋᐊᓕᒃ 979-5667 ᑎᑎᕋᕐᕕᒋᓗᒍᓘᓐᓃᑦ ᐃᕐᖐᓐᓈᖅᑲᐅᑎᒃᑯᑦ ᐅᕗᖓ admin@city.iqaluit.nu.ca