ᐱᖅᓯᓚᐅᖅᑎᓪᓗᒍ ᓄᑖᙳᕆᐊᖅᓯᒪᔪᖅ – ᓄᓇᓕᐸᐅᔭᒃᑯᑦ ᒪᑐᓯᒪᐃᓐᓇᖅᑐᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᖅᓯᓚᐅᖅᑎᓪᓗᒍ ᓄᑖᙳᕆᐊᖅᓯᒪᔪᖅ – ᓄᓇᓕᐸᐅᔭᒃᑯᑦ ᒪᑐᓯᒪᐃᓐᓇᖅᑐᑦ
ᒫᑦᓯ 1, 2024 – ᐃᖃᓗᐃᑦ, ᓄᓇᕗᑦ

10:30 ᐅᓪᓛᒃᑯᑦ – ᐱᖅᓯᕋᑖᖅᑐᒥᓂᐅᓚᐅᖅᑎᓪᓗᒍ, ᓄᓇᓕᐸᐅᔭᒃᑯᑦ ᖃᐅᔨᒃᑲᐃᔪᒪᔪᑦ ᐃᖃᓗᒻᒥᐅᑕᓂᑦ ᒫᓐᓇᐅᔪᒥᑦ ᖃᓄᐃᓕᖓᓂᖏᓐᓄ ᓄᓇᓕᐸᐅᔭᒃᑯᑦ ᐊᒻᒪ ᐱᓇᓱᐊᖅᑕᐅᔪᑦ ᐅᑎᖅᑎᓂᕐᒧᑦ. ᐅᖃᓕᒫᕐᓗᒋᑦ ᐅᑯᐊ ᑐᑭᓯᒋᐊᕈᑏᑦ ᐊᒻᒪ ᒪᓕᓪᓗᒋᑦ ᐊᑐᐊᒐᐃᑦ ᐱᑕᖃᖅᑎᑕᐅᔪᑦ, ᑭᒃᑯᓕᒫᓄᑦ ᐊᑦᑕᓇᐃᖅᓯᒪᓂᕐᒨᒻᒪᑕ ᐊᒻᒪ ᓱᒃᑲᓕᑎᑕᒋᐊᖅᓯᒪᔪᓂᑦ ᐅᑎᖅᑎᑕᐅᓂᖏᓐᓄᑦ ᐃᔨᑦᑎᖅᑕᐅᔪᑦ.

ᓄᓇᓕᐸᐅᔭᒃᑯᑦ ᐃᓪᓗᖏᑦ ᒪᑐᓂᖏᑦ: ᓄᓇᓕᐸᐅᔭᒃᑯᑦ ᐃᓪᓗᖏᑦ ᒪᑐᓯᒪᓂᐊᖅᑐᑦ ᐅᓐᓄᓴ. ᑐᑭᓯᒋᐊᕈᑏᑦ ᐱᔾᔪᑎᖃᖅᑐᑦ ᐅᓐᓄᒧᑦ ᐊᑐᖅᑕᐅᓂᐊᖅᑐᑦ ᐱᓐᖑᐊᕕᓐᓄᑦ ᐃᓪᓗᓄᑦ ᑐᓂᔭᐅᓂᐊᖅᑐᑦ ᐅᓇᐅᓕᖅᑲᑦ 5 ᐅᓐᓄᓴᒃᑯᑦ.

ᐊᑐᕆᐊᑦ ᐊᐳᑏᔭᖅᑕᐅᓇᓱᐊᕐᓂᖏᓐᓄᑦ: ᓄᓇᓕᐸᐅᔭᒃᑯᑦ ᐅᖁᒪᐃᑦᑐᓂ ᓄᓇᓯᐅᑎᓄᑦ ᐃᖅᑲᓇᐃᔭᖅᑏᑦ ᐃᖅᑲᓴᐃᔭᐃᓐᓇᖅᑐᑦ 4−ᒥᓂᑦ ᐅᓪᓛᒃᑯᑦ, ᐃᖅᑲᓇᐃᔭᐃᓐᓇᖅᑐᑦ ᑕᖃᒍᓐᓇᕐᓇᑎ ᐊᐳᑏᔭᖅᑕᐅᓪᓗᑎ ᐊᑐᕆᐊᑦ. ᓄᓇᓕᐸᐅᔭᒃᑯᑦ ᐃᓚᒋᓕᐅᑎᑦᑎᓯᒪᔪᑦ ᐃᑲᒧᖅᑐᑎ ᒪᕐᕉᒃ ᑳᓐᑐᕌᖅᑎᑲᓐᓃᒃ, ᐃᑲᔪᕐᓗᑎ ᑖᒃᑯᓂᖓ ᐱᓇᓱᐊᖅᑕᐅᔪᓂᑦ. ᓯᕗᓪᓕᐅᔾᔭᐅᔭᕆᐊᓕ ᑖᒃᑯᐊ ᐊᑐᕆᐊᑦ ᐊᐳᑎᖃᕈᓐᓃᕐᓗᑎ ᐊᑕᖏᖅᑐᒥ ᓴᖅᑭᖅᑎᑕᐅᒃᑲᓂᕐᓗᓂ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᖃᑦᑎᕆᔨᒃᑯᑦ, ᑭᐅᖅᑳᖃᑦᑕᖅᑐᑦ ᐃᖏᕋᔪᓐᓇᕐᓗᑎ ᐊᒻᒪ ᐃᖅᑲᓇᐃᔭᕐᕕᖓᓂ ᐊᑦᑕᓇᖏᑦᑐᒥᑦ, ᐊᒻᒪ ᐊᑐᐃᓐᓇᕈᖅᑕᐅᓗᑎ ᒪᑐᐃᖅᑕᐅᑲᓐᓂᕐᓂᖏᓐᓄᑦ ᓄᓇᓯᐅᓄᑦ ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᐱᔨᑦᑎᖅᑕᐅᔪᑦ, ᕿᓚᒥᐅᓇᓱᑦᑐᒃᑯᑦ.

ᐃᖏᕋᖃᑦᑕᖅᑐᓂ ᐅᖃᐅᔾᔨᒋᐊᕈᑎ: ᐅᖃᐅᔾᔨᒋᐊᖅᑐᒍᑦ ᓄᓇᓕᒻᐅᑕᓕᒫᑦ ᐊᑐᕆᐊᕐᒦᑦᑕᐃᓕᓗᑎ ᑭᓯᐊᓂ ᐃᖏᕋᔭᕆᐊᖃᓪᓚᕆᒃᑯᑎ. ᐱᑕᖃᖅᑎᓪᓗᒋᑦ ᐃᖏᕋᖃᑦᑕᖅᑐᑦ ᒫᓐᓇᐅᔪᒥᑦ ᓱᒃᑲᐃᓪᓕᑎᑦᑎᓂᐊᖅᑐᑦ ᐱᕙᓪᓕᐊᓂᖓᓄᑦ. ᐱᒻᒪᕆᐅᔪᖅ ᐊᐅᓚᓂᖃᑦᑎᐊᕐᓗᓂ ᐊᐅᓚᓂᕆᔭᕗᑦ ᑖᒃᑯᐊ ᐊᑐᕆᐊᑦ ᐊᐳᑎᖃᖏᓪᓗᑎ ᑐᐊᕕᕐᓇᖅᑐᓄᑦ ᐊᒻᒪ ᐅᑎᖅᑎᑦᑎᓇᓱᐊᖅᑐᑦ ᓄᓇᓯᐅᑏᑦ.

ᓄᓇᓯᐅᑎᒃᑯᑦ ᐱᔨᔅᓯᖅᑕᐅᒍᑎᑦ: ᓄᓇᓕᒻᒥᐅᑕᐃᑦ ᓄᓇᓯᐅᓄᑦ ᐱᔨᑦᑎᖅᑕᐅᔪᑦ ᐃᒥᕐᒥᑦ ᐊᑐᓗᐊᖅᑕᐃᓕᒪᖁᔭᐅᔪᑦ.

ᑭᖑᓪᓕᕐᒥ ᑐᑭᓯᒋᐊᕈᑏᑦ: ᑐᑭᓯᒋᐊᕈᑎᓂᑦ ᓴᖅᑭᑎᑦᑎᑲᓐᓂᓂᐊᖅᑐᑦ 5−ᒥ ᐅᓐᓄᓴᒃᑯᑦ ᐅᓪᓗᒥ.
ᐃᓕᓴᕆᔭᐅᔪᑦ ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᔪᑦ ᐱᓕᕆᖃᑕᐅᓂᕆᔭᕐᓄᑦ ᐊᒻᒪ ᑐᓯᓂᕐᓄᑦ ᑕᒪᑐᒪᓂ ᓴᓗᒻᒪᖅᓴᐃᓂᖃᖅᑎᓪᓗᒋᑦ. ᖁᔭᓐᓇᒦᖅᑕᕗᑦ ᐊᑕᖏᖅᑐᒋᑦ ᑭᐅᖅᑳᖃᑦᑕᖅᑐᑦ ᐊᒻᒪ ᐱᑕᖃᕆᐊᖃᖅᑐᑦ ᐃᖅᑲᓇᐃᔭᖅᑏᑦ ᐊᔾᔨᒌᖏᑦᑐᓂ ᑲᑐᔾᔨᖃᑎᒌᓂᑦ ᐃᖅᑲᓇᐃᔭᖅᓯᒪᔪᑦ ᐱᖅᓯᑎᓪᓗᒍ ᐊᒻᒪ ᒫᓐᓇᐅᔪᒥᑦ ᓴᓗᒻᒪᖅᓴᐃᕙᓪᓕᐊᓂᕐᒥᑦ. ᑲᔪᖏᖅᓯᒪᓂᖏᑦ ᐊᒻᒪ ᐊᔅᓱᕈᖅᑐᑎ ᐃᖅᑲᓇᐃᔭᕐᓂᖏᑦ ᐱᒻᒪᕆᐅᔪᑦ ᓄᓇᓕᐸᐅᔭᒃᑯᑦ ᐅᑎᕐᓗᑎ ᐊᐅᓚᓂᕆᖃᑦᑕᖅᑕᖏᓐᓄᑦ ᕿᓚᒥᐅᓇᓱᑦᑐᒃᑯᑦ. ᖁᕕᐊᒋᔭᐃᓐᓇᕆᓚᕗᑦ ᑖᒃᑯᐊ ᐃᓄᐃᑦ ᐊᒻᒪ ᐱᓕᕆᔩᑦ ᐱᐅᔪᒥᑦ ᐱᔨᑦᑎᕐᓂᖏᓐᓄᑦ.

##

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᐊᓕᒃᓯ ᑳᒧᕋᓐ

ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607 | a.cameron@iqaluit.ca