ᓯᓚᑦᑎᐊᕙᐅᙱᑎᓪᓗᒍ– ᓄᓇᓕᐸᐅᔭᖅ ᒪᑐᓯᒪᑎᓪᓗᒍ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓯᓚᑦᑎᐊᕙᐅᙱᑎᓪᓗᒍ– ᓄᓇᓕᐸᐅᔭᖅ ᒪᑐᓯᒪᑎᓪᓗᒍ
ᕕᕝᕗᐊᕆ 29, 2024 – ᐃᖃᓗᐃᑦ, ᓄᓇᕗᑦ

10:00 ᐅᓪᓛᒃᑯᑦ – ᓄᓇᓕᐸᐅᔭᒃᑯᑦ ᐃᖃᓗᓐᓂ ᓇᓗᓇᐃᔭᐃᔪᒪᔪᑦ ᓄᓇᓕᖕᒥᐅᓂᒃ ᑖᓐᓇ ᓄᓇᓕᐸᐅᔭᖅ ᓄᖅᑲᖅᑎᑦᑎᕙᓪᓕᐊᓂᖓᓂᒃ ᐱᔨᑦᑎᕋᐅᑎᖏᓐᓂᒃ, ᐆᑦᑑᑎᒋᓗᒍ ᐃᒥᖅᑕᖅᑕᐅᓂᖅ, ᐊᑦᑕᑯᓂᑦ ᐊᐅᓚᑦᑎᓂᖅ ᐊᒻᒪ ᐊᒃᑕᑯᓕᕆᓂᖅ, ᐊᒻᒪ ᒪᑐᓯᓂᖅ ᓄᓇᓕᐸᐅᔭᒥ ᐃᓂᒋᔭᐅᔪᓂᒃ ᑭᒃᑯᑐᐃᓐᓇᓄᑦ, ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ, ᓯᓚᓗᒃᑐᐊᓘᓂᖓᓄᑦ.

ᓄᓇᓕᐸᐅᔭᖅ ᓇᓗᓇᐃᔭᐃᔪᑦ ᓄᓇᓕᒻᒥᐅᓂᒃ ᐃᕐᖐᓐᓇᖅ ᕿᒫᕝᕕᖕᒧᐊᖁᔨᓪᓗᑎᒃ ᐊᒻᒪ ᐊᖅᑯᑎᒦᙱᓪᓗᑎᒃ ᑕᑯᒃᓴᐅᑦᑎᐊᙱᓐᓂᖓᓄᑦ, ᐊᓄᕌᓗᐊᖅᑎᓪᓗᒍ ᐊᒻᒪ ᐊᖅᑯᑎᑦ ᐊᑦᑕᕐᓇᕐᓂᖏᑦ.

ᑐᐊᕕᕐᓇᖅᑐᓕᕆᔨᒃᑯᑦ ᐊᑐᐃᓐᓇᐅᑎᑕᐅᓂᐊᖅᑐᑦ ᑭᓯᐊᓂ ᐊᑦᑕᕐᓇᖅᐸᑦ ᐊᒻᒪᓗ/ᐅᕝᕙᓘᓐᓃᑦ ᐊᔪᕐᓇᖅᐸᑦ; ᑭᖑᕙᕆᐊᖅᑕᐅᔪᑦ ᓂᕆᐅᒋᔭᐅᔪᓐᓇᖅᑐᑦ. ᐊᑏᑐᖅ ᐅᖄᓚᒋᑦ 979-4422 ᐃᑭᑦᑐᓄᑦ ᐊᒻᒪ ᑐᐊᕕᕐᓇᖅᑐᖃᒃᓂᖅᐸᑦ ᐱᔨᑦᑎᕋᐅᑎᓄᑦ.

ᓄᓇᓕᒻᒥᐅᑦ ᓄᓇᓯᐅᑎᒃᑯᑦ ᐱᔨᑦᑎᕋᖅᑕᐅᕙᒃᑐᑦ ᐊᐱᕆᔭᐅᔪᑦ ᐊᑐᓗᐊᖁᙱᑦᑐᒋᑦ ᐃᒥᑦ ᐊᒻᒪ ᐃᒪᐃᔭᐃᓂᕐᒧᑦ.

ᓇᒻᒥᓂᓖᑦ ᓄᓇᓯᐅᑎᓂᒃ ᐃᖅᑲᐃᑎᑕᐅᕗᑦ ᓅᓗᒋᑦ ᓄᓇᓯᐅᑎᖏᑦ ᐊᖅᑯᑎᒥᑦ. ᓄᓇᓯᐅᑎᑦ ᐃᒃᓯᓐᓇᖅᑕᐅᓯᒪᔪᑦ ᐊᖅᑯᑎᒃᑯᑦ ᐊᒻᒪ ᐊᒡᕕᐊᕈᑕᐅᓲᑦ ᐊᐳᑕᐃᔭᐃᑎᓪᓗᒋᑦ ᐊᒡᕕᐊᕈᑕᐅᑐᐃᓐᓇᕆᐊᖃᖅᐳᑦ ᓄᓇᓕᓐᓂ ᐊᒻᒪ ᓄᓇᕗᒻᒥ ᒪᓕᒐᓕᐊᖑᔪᒪᔪᓂᒃ, ᓇᖕᒥᓂᖃᖅᑎᓗ ᐊᑭᓕᒐᒃᓴᖅᑖᖅᑎᑕᐅᑐᐃᓐᓇᕆᐊᖃᖅᑐᓂ. ᓄᓇᓕᐸᐅᔭᖅ ᑲᒪᒋᔭᖃᙱᑦᑐᖅ ᖃᓄᑐᐃᓐᓇᖅ ᓱᕋᒃᑐᓄᑦ ᓄᓇᓯᐅᑎᓄᑦ, ᐊᖅᑯᑎᒦᑦᑐᓂᒃ, ᐱᔾᔪᑎᖃᕐᓗᓂ ᐊᐳᑕᐃᔭᐃᓂᕐᓂ ᐊᐅᓚᑕᐅᔪᑦ ᐅᕝᕙᓘᓐᓃᑦ ᐲᖅᑕᐅᓗᓂ ᓄᓇᓯᐅᑎᒥᒃ.
ᓄᑖᙳᕆᐊᕆᐊᖅᑕᐅᓯᒪᔪᓄᑦ ᐱᔾᔪᑎᒋᓪᓗᒍ ᖃᓄᐃᓕᖓᓕᕐᒪᖔᑦ ᐱᔨᑦᑎᕋᐅᑎᑦ, ᐊᑏᑐᖅ ᐅᖄᓚᒋᑦ ᐱᖅᓯᖅᑐᒧᑦ ᐅᖄᓚᐅᑎᖓᓄᑦ ᐅᕗᖓ 979-5300.

ᑖᓐᓇ ᑭᒃᑯᓕᒫᓄᑦ ᑐᓴᒐᒃᓴᓕᕆᓂᕐᒧᑦ ᐊᑐᖅᑕᐅᑐᐃᓐᓇᕐᓂᐊᖅᑐᖅ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

##

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᐊᓕᒃᓯ ᑳᒧᕋᓐ
ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607 | a.cameron@iqaluit.ca